حکومت پنجاب دماغی بیماریوں کی روک تھام،علاج اور آگاہی کیلئے کوشاں ہے، وزیراعلی مریم نواز

منگل 22 جولائی 2025 19:26

لاہور (اُردو پوائنٹ اخبارتازہ ترین - اے پی پی۔ 22 جولائی2025ء) وزیر اعلی پنجاب مریم نواز شریف نے کہا ہے کہ حکومت پنجاب دماغی بیماریوں کی روک تھام،علاج اور آگاہی کیلئے کوشاں ہے۔صحت مند دماغ ہی مثبت سوچ اور تعمیری فیصلوں کی بنیاد رکھتے ہیں۔وزیر اعلی مریم نواز شریف نے ورلڈ برین ڈے پر اپنے پیغام میں کہا کہ انسانی دماغ خالق کائنات کی بے مثال تخلیق ہے۔

(جاری ہے)

ورلڈ برین ڈے ہمیں دماغی امراض پر توجہ دینے کی یاد دلاتا ہے۔انسانی دماغ کائنات کا سب سے پیچیدہ اور حیرت انگیز نظام ہے۔ وزیراعلی مریم نواز شریف نے کہا کہ دماغی صحت کو نظر انداز کرنا زندگی نظر انداز کرنے کے مترادف ہے۔ دماغی بیماریوں میں مبتلا افراد تکلیف ہی نہیں سہتے بلکہ اکثر معاشرتی بے حسی اور لاپرواہی کا بھی شکار ہوتے ہیں۔ دماغی صحت کو جسمانی صحت جتنی ہی اہمیت دینا ضروری ہے۔