فش فارم بنا کر بنجر زمینوں کو کارآمداور درخت لگاکران میں ذرخیزی لائی جا سکتی ہے،ماہرین ماہی پروری

بدھ 23 جولائی 2025 13:56

فیصل آباد (اُردو پوائنٹ اخبارتازہ ترین - اے پی پی۔ 23 جولائی2025ء) جامعہ زرعیہ فیصل ۱ٓباد کے ماہرین ماہی پروری نے کہا کہ فش فارم بنا کر بنجر زمینوں کو کارآمد بنایا جا سکتا ہے جبکہ درخت لگانے سے بھی بنجر زمینوں میں ذرخیزی لائی جا سکتی ہے۔انہوں نے بتایاکہ مذکورہ اقدام کیلئے جہاں ماہرین زراعت، زرعی سائنسدان اپنے تمام وسائل بروئے کار لا رہے ہیں وہیں ان کی سفارش پر محکمہ ماہی پروری نے بھی کاشتکاروں کیلئے بلامعاوضہ مشاورتی و تکنیکی سہولیات کی فراہمی کا سلسلہ شروع کر رکھا ہے۔

انہوں نے بتایاکہ فش فارمنگ سے نہ صرف انسانی خوراک میں لحمیات کی کمی کو پورا کیا جا سکتاہے بلکہ اس سے کاشتکاروں کی آمدنی میں بھی خاطر خواہ اضافہ ممکن ہے۔ انہوں نے بتایاکہ کاشتکاروں کو فش فارمنگ کے جدید طریقوں سے روشناس کروانے کیلئے زرعی جامعہ اور محکمہ ماہی پروری کے اشتراک سے ڈویژن، ضلع، تحصیل اور یونین کونسل کی سطح پر تربیتی سیمینارز منعقدکرے گی جس کے انتہائی مفید اثرات مرتب ہو ں گے۔

(جاری ہے)

انہوں نے بتایاکہ ناکارہ اور بنجر زمینوں میں درخت لگانے سے بھی ذرخیزی آ جاتی ہے۔ انہوں نے کہا کہ کسان، کاشتکار، زمیندار زمین کی ساخت اور ماحول کے مطابق ماہرین زراعت کے مشورہ سے ایسے درختوں کا انتخاب کریں جو بیک وقت غذ ا، ایندھن، جنگلی حیات کے فروغ اور بنجر زمینوں کی ذرخیزی کیلئے مفید ثابت ہو سکیں۔

Facebook Twitter Google + Share on Whatsapp

فش فارم بنا کر بنجر زمینوں کو کارآمداور درخت لگاکران میں ذرخیزی لائی جا سکتی ہے،ماہرین ماہی پروری

متعلقہ عنوان :

مزید زراعت کی خبریں