شیخوپورہ،ایڈیشنل ڈپٹی کمشنر فنانس میاں نذیر احمد کا ڈی ایچ کیو ہسپتال کا اچانک دورہ

جمعہ 25 جولائی 2025 17:38

شیخوپورہ (اُردو پوائنٹ اخبارتازہ ترین - اے پی پی۔ 25 جولائی2025ء) ڈپٹی کمشنر شیخوپورہ شاہد عمران مارتھ کی خصوصی ہدایت پر ایڈیشنل ڈپٹی کمشنر فنانس میاں نذیر احمد نے ڈی ایچ کیو ہسپتال کا اچانک دورہ کیا ۔

(جاری ہے)

اے ڈی سی فنانس میاں نذیر احمد نے مریضوں کو مہیا کی جانیوالی طبی سہولیات ، ڈاکٹرز و دیگر عملہ کی حاضری اور ادویات کے اسٹاک کا تفصیلی جائزہ لیتے ہوئےمریضوں اور انکے لواحقین سے ہسپتال میں مہیا کی جانیوالی سہولیات بارے دریافت کیا اور مریضوں اور انکے لواحقین کو بروقت ، بہترین اور مفت طبی سہولیات کی فراہمی یقینی بنانے کے لیے ڈاکٹرز و دیگر عملہ کو ہدایات جاری کیں ۔

ایم ایس ڈی ایچ کیو ہسپتال سمیت دیگر افسران بھی اس موقع پر موجود تھے ۔ ایڈیشنل ڈپٹی کمشنر فنانس میاں نذیر احمد نے اس موقع پر گفتگو کرتے ہوئے کہا کہ وزیر اعلیٰ پنجاب مریم نواز شریف کے ویژن کے مطابق عوام الناس کو بہترین ، بروقت اور مفت طبی سہولیات کی فراہمی اولین ترجیح ہے ، عوام کو صحت کی سہولیات کی فراہمی میں کوئی کسر نہیں چھوڑیں گے ۔ اے ڈی سی فنانس میاں نذیر احمد نے کہا کہ تمام سرکاری ہسپتالوں ، فیلڈ ہسپتال اور کلینک آن وہیلز میں مریضوں کا چیک اپ کرنے کے لیے ڈاکٹرز ، پیرامیڈیکل سٹاف و دیگر عملہ اپنی حاضری سو فیصد یقینی بنائیں۔\378