محکمہ ثقافت و سیاحت حکومت, بلوچستان کے زیراہتمام پشتو اکیڈمی کے ہال میں ایک عظیم الشان کل بلوچستان بین اللسانی مشاعرے کا اہتمام

ہفتہ 26 جولائی 2025 20:30

کوئٹہ (اُردو پوائنٹ اخبارتازہ ترین - اے پی پی۔ 26 جولائی2025ء) محکمہ ثقافت و سیاحت و آثار, قدیمہ حکومت، بلوچستان کے زیراہتمام ادب زار، جہاں بلوچستان پشتو اکیڈمی کے تعاون سے پشتو اکیڈمی کے ہال میں ایک عظیم الشان کل بلوچستان بین اللسانی مشاعرے کا اہتمام کیا گیا جس کے مہمان خصوصی مشیر برائے وزیراعلیٰ بلوچستان برائے ماحولیاتی تبدیلی نسیم الرحمن خان تھے۔

(جاری ہے)

پروگرام میں بلوچستان بھر سے شعراء نے بلوچستان کی قومی زبانوں بلوچی، براہوئی، پشتو، فارسی، سندھی کے علاوہ اردو زبان میں بھی خوبصورت کلام سے حاضرین کو محظوظ کیا ، صوبے بھر سے شعراء کے علاوہ دیگر معتبر حاضرین نے بھی اس خوب صورت تقریب میں شرکت کی ۔محفل میں ہر زبان کی الگ سے صدارت کی جن میں بلوچی میں شکور زاہد پشتو میں ڈاکٹر حافظ رحمت نیازی براہوئی میں پروفیسر طاہرہ احساس جتک اور اردود میں ڈاکٹر عرفان احمد بیگ صاحب نے سفارت کے فرائض سر انجام دئیے۔ تقریب کے اختتام پر ڈائریکٹر نطامت، ثقافت جناب داؤد ترین اور صدر ادب زار, جہاں بلوچستان جہاں آراء تبسم نے محفل کے تمام شرکاء اور پشتو اکیڈمی کا خصوصی شکریہ ادا کیا۔