محکمہ ہائی ویز کا بارشوں کے دوران سڑکوں کو محفوظ رکھنے ، ٹریفک روانی برقرار رکھنے کیلئے ایمرجنسی بنیادوں پر کام شروع

اتوار 27 جولائی 2025 19:00

سرگودھا(اُردو پوائنٹ اخبارتازہ ترین - این این آئی۔ 27 جولائی2025ء)محکمہ ہائی ویز نے مون سون بارشوں کے دوران سڑکوں کو محفوظ رکھنے اور ٹریفک کی روانی برقرار رکھنے کے لیے ایمرجنسی بنیادوں پر کام شروع کر دیا۔

(جاری ہے)

زرائع کے مطابق ایکسین ہائی ویز ملک گلفام اعوان نے ڈپٹی کمشنر محمد وسیم کی زیر صدارت اجلاس میں بتایا کہ سرگودھا لالہ موسی ریلوے ٹریک پر دیہات میاں دا بنہ اور رتوکالا روڈ پر بارش سے ٹونے والے حصوں میں فوری کٹس فلنگ کی جا رہی ہے جبکہ بھیرہ ، ملکوال روڈ پر سبزے اور جھاڑیوں کی صفائی کے ساتھ برم کی ڈریسنگ کا کام جاری ہے۔

انہوں نے کہا کہ مون سون کے موسم میں پانی کے بہا کو منظم کرنے اور سڑکوں کے نقصان سے بچانے کے لیے یہ اقدامات ضروری ہیں۔انہوں نے کہا کہ ہائی ویز ٹیمیں 24/7 الرٹ ہیں اور کسی بھی ہنگامی صورتحال میں فوری کارروائی کو یقینی بنایا جا رہا ہے۔