سیالکوٹ پولیس لائنز میں جنرل پریڈ ،اے ایس پی نے دستے سے سلامی لی

پیر 28 جولائی 2025 10:40

سیالکوٹ (اُردو پوائنٹ اخبارتازہ ترین - اے پی پی۔ 28 جولائی2025ء) اے ایس پی سیالکوٹ دانیال خان نے پولیس لائنز میں جنرل پریڈ کا انعقاد کیا اور پولیس کے چاک و چوبند دستے سے سلامی لی۔

(جاری ہے)

ترجمان سیالکوٹ پولیس کے مطابق پولیس ملازمین کے ڈسپلن اور ٹرن آؤٹ کو بہتر بنانے کے لئے اے ایس پی دانیال خان کی زیر نگرانی پولیس لائنز سیالکوٹ میں علی الصبح جنرل پریڈ کا انعقاد کیا گیا، جنرل پریڈ میں سیالکوٹ پولیس کے ساتھ ساتھ ٹریفک پولیس، ایلیٹ فورس اور لیڈیز پولیس کے دستے بھی شامل تھے۔

اے ایس پی نے پریڈ اور جوانوں کے ٹرن آئوٹ کا معائنہ کیا اور پولیس کے چاک و چوبند دستے سے سلامی لی۔ اس موقع پر اے ایس پی نے کہا کہ جنرل پریڈ کا مقصد پولیس اہلکاروں کی ذہنی اور جسمانی نشوونما کے ساتھ ساتھ نظم و ضبط میں بہتری لانا ہے۔