پنجاب پولیس کا صوبہ بھر میں سرچ آپریشن، 54مشکوک افراد حراست میں لے لیے،ترجمان

پیر 28 جولائی 2025 22:20

لاہور (اُردو پوائنٹ اخبارتازہ ترین - اے پی پی۔ 28 جولائی2025ء) پنجاب پولیس نے لاہور سمیت صوبہ بھر میں سرچ آپریشن کے دوران 20ہزار 122سے زائد مشتبہ افراد کی چیکنگ کے دوران 54مشکوک افراد حراست میں لے لیے۔ ترجمان پنجاب پولیس نےبتایا کہ31سرچ اینڈ سویپ آپریشنز کیے گئے۔ 3527سے زائد افراد سے پوچھ گچھ اور 3مشتبہ افراد کو حراست میں لیا گیا۔

(جاری ہے)

سنگین جرائم میں ملوث 243اشتہاری، 105عدالتی مفرور اور 58عادی مجرمان بھی گرفتار کیے گئے۔

جرائم پیشہ و مشتبہ افراد کے قبضہ سے بڑی تعداد میں غیرقانونی اسلحہ اور گولیاں برآمد کی گئیں۔ جرائم پیشہ افراد کے خلاف کارروائیوں کے دوران 7مجرمان کیفر کردار کو پہنچے، 7زخمی اور 6گرفتار کیے گئے۔ آئی جی پنجاب نے کہا کہ ملک دشمن و جرائم پیشہ عناصر کا محاسبہ کرنے کیلئے سرچ، سویپ اینڈ کومبنگ آپریشنز جاری رکھے جائیں۔