غزہ پرقابض صیہونی فورسز کی بربریت تھم نہ سکی، مزید 83 فلسطینی شہید

بدھ 30 جولائی 2025 17:28

غزہ(اُردو پوائنٹ اخبارتازہ ترین - این این آئی۔ 30 جولائی2025ء)غزہ پر قابض صیہونی فورسز کی بربریت تھم نہ سکی۔صیہونی فورسز کے حملوں میں 24 گھنٹے میں مزید 83 فلسطینی شہید اور درجنوں زخمی ہوگئے، شہدا میں خوراک اور امداد کے متلاشی 19 فلسطینی بھی شامل ہیں، مغربی کنارے میں فائرنگ سے بھی 2 فلسطینی جاں بحق ہوگئے۔

(جاری ہے)

غزہ میں شہدا کی مجموعی تعداد 60 ہزار سے تجاوز کر گئی، 1 لاکھ 45 ہزار 870 فلسطینی زخمی ہو چکے، ادھر غزہ میں شدید غذائی قلت پیدا ہوگئی، عالمی اداروں نے نئی وارننگ جاری کردی، کہا فوری اقدامات نہ کرنے سے یہاں بڑے پیمانے پر اموات ہو سکتی ہیں۔