فیصل آباد پولیس نے رواں سال کے دوران کرایہ داری ایکٹ کی خلاف ورزی پر 1399 پراپرٹی مالکان کو گرفتار کرلیا

جمعرات 31 جولائی 2025 18:20

فیصل آباد (اُردو پوائنٹ اخبارتازہ ترین - اے پی پی۔ 31 جولائی2025ء) فیصل آباد پولیس نے رواں سال کے دوران کرایہ داری ایکٹ کی خلاف ورزی پر 1399 پراپرٹی مالکان کو گرفتار کرلیا۔ ترجمان پولیس طارق جٹ نے بتایا کہ فیصل آباد پولیس نے کرایہ داری ایکٹ کی خلاف ورزی کرنیوالوں کے خلاف کارروائیوں میں 1399ملزمان گرفتار کرکے مقدمات کا اندراج کیا گیاہے۔ ماہ جولائی میں اب تک کرایہ داری ایکٹ کی خلاف ورزی پر 265 ملزمان گرفتار کرکے 265 مقدمات درج کئے گئے ہیں جبکہ رواں سال کرایہ داری ایکٹ کی خلاف ورزی کرنے پر1399ملزمان گرفتار کرکے مقدمات کا اندراج کیا گیاہے۔

کرایہ داری ایکٹ کے تحت کرایہ داروں کا اندراج نہ کروانے والے پراپرٹی مالکان کے خلاف کریک ڈاؤن جاری ہے۔پولیس ٹیننٹ رجسٹریشن سسٹم میں اندراج کرانا مالک مکان اور کرایہ داردونوں کی ذمہ داری ہے۔

(جاری ہے)

اس حوالے سے سی پی او فیصل آباد نے کہا ہے کہ ٹیننٹ رجسٹریشن سسٹم کے تحت کوائف اندراج سے اشتہار یوں کے خلاف گھیرا تنگ کیا جارہا ہے۔ایس ایچ اوز اپنے علاقے میں کرایہ داروں کے اندراج کے لئے پراپرٹی مالکان کے ذریعے پولیس ایپ ”ٹیننٹ رجسٹریشن“میں اندراج یقینی بنائیں۔پولیس سافٹ ویئرز کی مدد سے جرائم پیشہ افراد کو قانون کی گرفت میں لایاجا رہا ہے۔عوام ذمہ دار شہری ہونے کا ثبوت دیں اور کرایہ داری ایکٹ کی بابت اندراج یقینی بنائیں۔