احمدپورشرقیہ،ایڈیشنل ڈپٹی کمشنر ہیڈ کوارٹر ناصر شہزاد کی زیر صدارت ڈسٹرکٹ ایمرجنسی رسپانس کمیٹی کاجائزہ اجلاس

جمعرات 31 جولائی 2025 18:20

احمدپورشرقیہ (اُردو پوائنٹ اخبارتازہ ترین - اے پی پی۔ 31 جولائی2025ء) ایڈیشنل ڈپٹی کمشنراحمدپورشرقیہ ہیڈ کوارٹر ناصر شہزاد کی زیر صدارت ڈسٹرکٹ ایمرجنسی رسپانس کمیٹی کا جائزہ اجلاس منعقدہوا۔اجلاس میں ڈینگی سے بچاؤ کے حوالے سے اقدامات اور سرویلنس سرگرمیوں کا بھی تفصیلی جائزہ لیا گیا۔ایڈیشنل ڈپٹی کمشنر نے تمام محکموں کے افسران سے کہا کہ وہ ڈینگی کے خاتمے کو اپنی اولین ترجیح میں شامل کریں اور عملی اقدامات کو یقینی بنائیں تاکہ عوام کو اس مہلک مرض سے محفوظ رکھا جا سکے۔

انہوں نے کہا کہ مشتبہ مقامات کا باربار سروے اور کیمیکل ٹریٹمنٹ کی جائے۔انہوں نے متعلقہ محکموں کو ہدایت کی کہ نکاسی آب کے نظام کو بہتر بنایا جائے اور جہاں پانی جمع ہو،وہاں فوری کارروائی کی جائے۔

(جاری ہے)

اجلاس میں اسسٹنٹ کمشنر بہاولپور سٹی و صدر اور متعلقہ محکموں کے افسران موجود تھے۔ ڈسٹرکٹ ہیلتھ آفیسر پریوینٹو سروسز ڈاکٹر خالد چنڑ نے بریفنگ میں بتایا کہ ڈینگی کے پھیلاؤ کو روکنے کا واحد طریقہ برسات کے موسم میں احتیاطی تدابیر اور ان مقامات کو ختم کرنا ہے جہاں ڈینگی کا لاروا پنپتا ہے۔

انہوں نے بتایا کہ ضلع بہاول پور میں مجموعی طور پر 1857 ہاٹ سپاٹس کی باقاعدگی سے نگرانی کی جارہی ہے۔ انہوں نے بتایا کہ ان ڈور اور آؤٹ ڈور دونوں مقامات پر ویکٹر سرویلینس کے دوران لاروا تلاش کر کے ان کو تلف کر دیا جاتا ہے۔\378