وزیر ہائوسنگ کی زیرصدارت اجلاس،تمام اضلاع میں نئے واٹر فلٹریشن پلانٹس بنانے کا فیصلہ

جمعرات 31 جولائی 2025 22:20

لاہور (اُردو پوائنٹ اخبارتازہ ترین - اے پی پی۔ 31 جولائی2025ء) وزیر اعلی پنجاب کی ہدایت پر تمام اضلاع میں اسٹیٹ آف دی آرٹ نئے واٹر فلٹریشن پلانٹس بنانے کا فیصلہ کیا گیا ہے،وزیر ہائوسنگ اینڈ اربن ڈویلپمنٹ بلال یاسین کی زیر صدارت جمعرات کو صاف پانی اتھارٹی کے تحت نئے بننے والے فلٹریشن پلانٹس بارے جائزہ اجلاس میں سیکرٹری ہائوسنگ نورالامین مینگل، سی ای او صاف پانی اتھارٹی نوید احمد اور دیگر افسران شریک تھے۔

(جاری ہے)

وزیر ہائوسنگ پنجاب نے کہا کہ963 واٹر فلٹریشن پلانٹس کو سکولوں، مدارس، بنیادی مراکز صحت، بس اڈوں اور تھانوں میں بنایا جائے گا، زیادہ آبادی والے مقامات کے گرد ہی واٹر فلٹریشن پلانٹس کی تنصیب یقینی بنائی جائے گی، فلٹریشن پلانٹس کی سکیورٹی اور دیگر امور کی نگرانی کیلئے سکارڈا سسٹم نصب کیا جائے گا۔ بلال یاسین نے واضح کیا کہ تمام فلٹریشن پلانٹس کو شمسی توانائی پر منتقل کیا جائے گا، زیر زمین پانی کے معیار کو مدنظر رکھتے ہوئے فلٹریشن پلانٹس کی تنصیب کا فیصلہ کیا جائے گا۔