9 مئی کے واقعات کے 3 مقدمات کا تفصیلی فیصلہ جاری

شبلی فراز، عمر ایوب، زرتاج گل، کنول شوزب اور شیخ راشد شفیق کو تینوں مقدمات میں 10،10سال کی سزا سنائی گئی

جمعہ 1 اگست 2025 22:46

9 مئی کے واقعات کے 3 مقدمات کا تفصیلی فیصلہ جاری

فیصل آباد (اُردو پوائنٹ اخبارتازہ ترین - این این آئی۔ 01 اگست2025ء)فیصل آباد کی انسداددہشت گردی کی عدالت نے 9 مئی کے واقعات کے 3 مقدمات کا تفصیلی فیصلہ جاری کر دیا جس کے مطابق تھانہ سول لائن کے 2 اور تھانہ غلام محمد آباد کے ایک مقدمے کا فیصلہ جاری کیا گیا ہے، تھانہ سول لائن میں درج حساس ادارے کے دفتر پر حملے کے مقدمے کا فیصلہ71 صفحات پر مشتمل ہے۔

(جاری ہے)

تھانہ سول لائن میں درج پولیس وین جلانے کے مقدمے کا فیصلہ 34 صفحات پر جبکہ تھانہ غلام محمد آباد کے مقدمے کا 43 صفحات پر مشتمل تفصیلی فیصلہ جاری کیا گیا ہے۔تفصیلی فیصلے کے مطابق تینوں مقدمات میں مجموعی طور پر 195 ملزمان کو سزائیں اور 88 کو بری کیا گیا ہے۔شبلی فراز، عمر ایوب، زرتاج گل، کنول شوزب اور شیخ راشد شفیق کو تینوں مقدمات میں 10،10سال کی سزا سنائی گئی ہے،تفصیلی فیصلے کے مطابق ملزمان کو 10، 10 لاکھ روپے جرمانہ بھی ادا کرنے کا حکم دیا گیا ہے۔زین قریشی، فواد چوہدری، خیال کاسترو کو تینوں مقدمات میں بری کر دیا گیا ہے۔