کولمبیا کے سابق صدر الوارو یوریبے کو گواہوں پر دبائو ڈالنے کے جرم میں 12 سال قید

ہفتہ 2 اگست 2025 15:22

بوگوٹا(اُردو پوائنٹ اخبارتازہ ترین - این این آئی۔ 02 اگست2025ء)کولمبیا کی عدالت نے سابق صدر الوارو یوریبے کو گواہوں پر دبا ڈالنے کے جرم میں بارہ سال قید کی سزا سنائی ہے، تاہم عدالت نے جیل میں قید کی جگہ انہیں گھر پر نظر بندی کی رعایت دے دی ہے۔

(جاری ہے)

میڈیارپورٹس کے مطابق عدالتی فیصلے کا اعلان عدالت کی کاراکول ریڈیو کی ویب سائٹ پر براہ راست نشر ہونے والے اجلاس میں کیا گیا۔

فیصلے میں جج ساندرا ہیریڈیا نے کہا کہ الوارو یوریبے ویلیز کو 144 ماہ، یعنی بارہ سال قید کی سزا دی جاتی ہے، جبکہ 2,420.5 کم از کم تنخواہوں کے برابر جرمانہ اور 100 ماہ 20 دن کے لیے کسی بھی عوامی عہدے پر فائز ہونے پر پابندی عائد کی جاتی ہے۔ جج نے مزید کہا کہ مجرم کو قید کی سزا کے بدلے گھر پر نظر بندی کی سہولت دی جاتی ہے۔