تھانہ ائیرپورٹ پولیس کی 15 کال پر فوری کارروائی

انسانی اعضاء کی غیر قانونی پیوند کاری میں ملوث گینگ بے نقاب، 4 افراد گرفتار

ہفتہ 2 اگست 2025 21:00

راولپنڈی (اُردو پوائنٹ اخبارتازہ ترین - این این آئی۔ 02 اگست2025ء)تھانہ ائیرپورٹ پولیس کی 15 کال پر فوری کارروائی کے دوران انسانی اعضاء کی غیر قانونی پیوند کاری میں ملوث گینگ بے نقاب کر دیا گیا،انسانی اعضاء کی غیر قانونی پیوند کاری میں ملوث گینگ کے 4 افراد گرفتار کر لئے،پیوند کاری میں استعمال ہونے والے آلات بھی برآمد کر لئے۔

(جاری ہے)

تفصیلات کے مطابق تھانہ ائیرپورٹ پولیس نے 15 کال پر فوری کارروائی کرتے ہوئے انسانی اعضاء کی غیر قانونی پیوند کاری میں ملوث گینگ کو بے نقاب کر دیا،انسانی اعضاء کی غیر قانونی پیوند کاری میں ملوث گینگ کے 4 افراد کو گرفتار کر لیا،پیوند کاری میں استعمال ہونے والے آلات بھی برآمد کر لیے، ملزمان نے پاکستانی و غیر ملکی شہریوں کے لئے گردے فروخت کرنے کا انکشاف کیا،پولیس کو 15 پر اطلاع موصول ہوئی تھی کہ ایک گھر سے کسی کے چیخنے چلانے کی آوازیں آ رہی ہیں، پولیس نے فوری رسپانڈ کیا تو ایک شخص کو سٹریچر سے بندھا پایا جسے آزاد کروایا گیا، متن مقدمہ کے مطابق متاثرہ شخص کو نوکری کا جھانسہ دے کر بلایا گیا تھا، اسے بلا کر نشہ آور شے پلا کر نیم بیہوش کیا گیا اور مختلف میڈیکل ٹیسٹ کئے گئے،ٹیسٹ کروانے کا مقصد متاثرہ شخص کا گردہ نکال کر فروخت کرنا تھا،پولیس کے بروقت اور موثر رسپانس سے ایک شخص خطرناک غیر قانونی پیوندکاری سے بچ گیا، 04 افراد کو گرفتار کر کے تفتیش کی جا رہی ہے، ملزمان کے ساتھیوں اور سہولت کاروں کو بھی جلد گرفتار کیا جائے گا، شہریوں کے جان و مال کا تحفظ اولین ترجیح ہے جسے ہر صورت یقینی بنایا جائے گا۔