کماد کے کاشتکار زیادہ پیداوار حاصل کرنے کے لیے اگست میں پوٹاش کا استعمال کریں،اسسٹنٹ ڈائریکٹر محکمہ زراعت توسیع سمبڑیال

پیر 4 اگست 2025 11:20

سمبڑیال (اُردو پوائنٹ اخبارتازہ ترین - اے پی پی۔ 04 اگست2025ء) اسسٹنٹ ڈائریکٹر محکمہ زراعت توسیع سمبڑیال ڈاکٹر افتخار حسین بھٹی نے کہا ہے کہ کماد کے کاشتکار زیادہ پیداوار حاصل کرنے کے لیے اگست میں پوٹاش کا استعمال کریں اور شوگر کین پائریلہ کے تدارک کے لیے محکمہ زراعت کے عملہ کی زیر ہدایت موثر سپرے کریں ۔ ان خیالات کا اظہار انہوں نے کاشتکاروں کے نام اپنے پیغام میں کیا۔

(جاری ہے)

انہوں نے کہا ہے کہ اگست اور ستمبر گنے کی فصل کے لیے سب سے اہم مہینے ہوتے ہیں کیونکہ اس ماہ میں گنا لمبائی اور موٹائی میں تیزی سے بڑھتا ہے، اگر اس وقت پوٹاشیئم کھادوں کا استعمال کیا جائے تو گنے کا وزن فی ایکڑ واضح طور پر بڑھایا جا سکتا ہے، جس سے زمیندار کی آمدن میں براہ راست اضافہ ہوگا۔انہوں نے کہا کہ گنے كی بیماری شوگر کین پائریلہ کے تدارک کے لیے محکمہ زراعت کے مقامی عملہ سے مشورہ کے مطابق سپرے کریں۔انہوں نے کہا کہ ان اقدامات سے آپ کے گنے کی پیداوار میں خاطر خواہ اضافہ ہو گا جو بہتر منافع کی شکل میں زمیندار کے لیے فائدہ مند ہو گا۔

Facebook Twitter Google + Share on Whatsapp

کماد کے کاشتکار زیادہ پیداوار حاصل کرنے کے لیے اگست میں پوٹاش کا استعمال کریں،اسسٹنٹ ڈائریکٹر محکمہ زراعت توسیع سمبڑیال

متعلقہ عنوان :

مزید زراعت کی خبریں