ڈرپ اریگیشن و سپرنکلرز نظام کی تنصیب سے پیداوار میں 100 سے 120 فیصد اضافہ کیاجاسکتا ہے،ترجمان محکمہ اصلاح آبپاشی فیصل آباد

پیر 4 اگست 2025 17:09

فیصل آباد (اُردو پوائنٹ اخبارتازہ ترین - اے پی پی۔ 04 اگست2025ء) محکمہ اصلاح آبپاشی فیصل آبادکے ترجمان نے کہا ہے کہ حکومت پنجاب صوبہ بھر میں آبپاش زراعت کی پیداوار بڑھانے کے لئے ڈرپ و سپرنکلرز نظام آبپاشی کی تنصیب کے لئے کاشتکاروں کو بھرپور معاونت فراہم کرے گی جس کے لئے جلد اقدامات کا اعلان کیا جا ئے گا۔

(جاری ہے)

انہوں نے بتایا کہ اس نظام کی تنصیب سے کاشتکاروں کو بہت فوائد حاصل ہوں گے جن میں سے پیداوار میں 100 سے 120 فیصد اضافہ،پانی کی 75 فیصد تک بچت،کھادوں،کیمیائی اجزا کا بہتر استعمال ،پانی لگانے کی محنت میں 30 فیصد تک کمی،پیداواری اخراجات میں 20 سے 35 فیصد تک کمی ہوسکتی ہے۔

انہوں نے بتایا کہ کاشتکار اس سلسلہ میں ڈویژنل ڈائریکٹر زراعت،ڈپٹی ڈائریکٹر زراعت،اسسٹنٹ ڈائریکٹر زراعت اصلاح آبپاشی سے بھی رہنمائی حاصل کرسکتے ہیں۔