نامورفلمی اداکارہ نادرہ کی برسی6اگست کومنائی جائے گی

منگل 5 اگست 2025 19:56

لاہور (اُردو پوائنٹ اخبارتازہ ترین - اے پی پی۔ 05 اگست2025ء) نامور فلمی اداکارہ نادرہ کی 6اگست بروز بدھ کو 30ویں برسی منائی جائے گی۔ فلم سٹار نادرہ 80 کی دہائی کی اردو اور پنجابی فلموں کی ہردلعزیز اداکارہ تھیں ۔

(جاری ہے)

انہوں نے اپنے وقت کے مقبول ترین ہیروز کے مقابل بطور ہیروئین 60 سے زائد فلموں میں اداکاری کے جوہر دکھائے ۔ان کی جوڑی مرحوم فلمی ہیرو اسماعیل شاہ کے ساتھ فلم بینوں میں بہت پسند کی جاتی تھی۔ شہرہ آفاق اداکارہ نادرہ کو6 اگست1995 میں نامعلوم افراد نے فائرنگ کرکے موت کے گھاٹ اتار دیا تھا۔