تمنا بھاٹیا کا تھوک سے کیل مہاسوں کا علاج کرنے کا دعوی

صبح اٹھ کر سب سے پہلے چہرے پر اپنا تھوک لگاتی ہوں، اداکارہ

منگل 5 اگست 2025 22:15

تمنا بھاٹیا کا تھوک سے کیل مہاسوں کا علاج کرنے کا دعوی

ممبئی (اُردو پوائنٹ اخبارتازہ ترین - این این آئی۔ 05 اگست2025ء)جنوبی بھارتی فلم انڈسٹری کی مشہور اداکارہ تمنا بھاٹیا نے کا تھوک سے کیل مہاسوں کا علاج کرنے کا دعوی کرتے ہوئے کہا ہے کہ صبح اٹھ کر سب سے پہلے چہرے پر اپنا تھوک لگاتی ہوں۔ایک انٹرویو میں تمنا بھاٹیا نے بتایا کہ صبح اٹھنے کے فورا بعد دانت برش کرنے سے قبل ،چہرے پر اپنا تھوک لگاتی ہوں تاکہ کیل مہاسے نہ نکلیں۔

اداکارہ نے کہا کہ روزانہ صبح اٹھ کر یہ عادت اپنانے سے برسوں سے ان کی جلد دانوں، کیل مہاسوں سے صاف رہی ہے۔

(جاری ہے)

اداکارہ کے سوشل میڈیا پر وائرل کلپ پر کچھ افراد نے اس طریقے کی تائید کرتے ہوئے کہا کہ وہ خود بھی یہ گھریلو نسخہ استعمال کرتے ہیں، حتی کہ کئی صارفین نے اسے آنکھوں کے انفیکشن میں بھی موثر قرار دیاجبکہ دیگر صارفین نے اس کی سائنسی بنیاد پر سوالات اٹھاتے ہوئے کہا کہ تھوک میں موجود بیکٹیریا سے لڑنے والے انزائمز اتنے موثر نہیں کہ وہ مہاسوں کی اصل وجوہات جیسے بند مسام، چکناہٹ اور سوزش کا علاج کر سکیں۔

تمنا بھاٹیا نے خواتین کو روزمرہ کی زندگی میں اسکن کیئر کرنے کا مشورہ بھی دیا اور کہا کہ 25 سال کی عمر سے ہر خاتون کو اسکن کیئر روٹین اپنانی چاہئے تاکہ جلد پر عمر کے اثرات نہ نظر آسکیں۔