استادنصرت فتح علی خان کی برسی 16 اگست کو منائی جائے گی

بدھ 6 اگست 2025 11:44

مکوآنہ(اُردو پوائنٹ اخبارتازہ ترین - این این آئی۔ 06 اگست2025ء) پاکستانی گلوکارنصرت فتح علی خان کی28 ویں برسی 16اگست کو منائی جائے گی ،اس سلسلے میں فلمی حلقوں میں مختلف تقریبات کا اہتمام کیا جائے گا ،جس میں نصرت فتح علی خان کی فنی خدمات کو خراج عقیدت پیش کیا جائے گا نصرت فتح علی خان 13اکتوبر 1948 کو فیصل آباد میں پیدا ہوئے ،والد استاد فتح علی خان اور چچا استاد مبارک علی خان اپنے دور کے مشہور قوال تھے۔

(جاری ہے)

نصرت فتح علی خان نے بھی بطور قوال دم مست قلندرسے ملک گیر شہرت حاصل کی ۔انہوں نے قوالی کی صنف میں مغربی انداز متعارف کروایا، جسے عالمی سطح پر بھرپور پزیرائی حاصل ہوئی ۔نصرت فتح علی خان پاکستان سمیت دنیا بھر میں مقبول تھے ۔ان کی وفات سے گلوکاری کے میدان میں پیدا ہونے والا خلا مدتوں پورا نہ ہو سکے گا ۔