Live Updates

باغبان آم کی پچھیتی اقسام کی برداشت مکمل کرلیں، ناپختہ پھل کو توڑنے سے گریز کیاجائے، ماہرین اثمارکی ہدایت

جمعہ 8 اگست 2025 14:50

فیصل آباد (اُردو پوائنٹ اخبارتازہ ترین - اے پی پی۔ 08 اگست2025ء) جامعہ زرعیہ فیصل آباد کے شعبہ اثمار کے ماہرین نے کہاکہ باغبان آم کی پچھیتی اقسام کی برداشت مکمل کرلیں تاہم ناپختہ پھل کو توڑنے سے گریز کیاجائے۔

(جاری ہے)

انہوں نے کہاکہ آم کی پچھیتی اقسام وسط اگست سے اگست کے آخرتک پک کر تیار ہو جاتی ہیں ،اس لئے باغبان پکے ہوئے پھل کو برداشت کرنے میں تاخیر نہ کریں لیکن اگر پودے پر کوئی پھل نہ پختہ رہ گیاہو تو اسے پودے سے الگ نہ کیاجائے کیونکہ اس طرح اس کے ضائع ہونے کا خدشہ ہوتاہے۔

انہوں نے کہاکہ آم کے نئے باغات کیلئے گڑھے کھود دیئے جائیں جبکہ آم کے باغات میں نائٹروجن کی آخری قسط ڈالنے کاعمل بھی رواں ماہ اگست میں ہی مکمل کرلیاجائے۔ انہوں نے کہاکہ اگر آم کے باغات میں تیلے،سکیلز یا دوسرے کیڑوں کی کوئی علامات مشاہدے میں آئیں تو زرعی ماہرین یا محکمہ زراعت توسیع کے عملہ کی مشاورت سے مناسب سفارش کردہ زہروں کاسپرے کیاجائے۔ انہوں نے باغبانوں کو کھیتوں سے بارش کا فالتو پانی نکالنے کی بھی ہدایت کی۔