مریم نواز حکومت کا عوام پر صفائی ٹیکس لگانے کا فیصلہ

ماہانہ ہزاروں روپے تک وصول کیے جائیں گے، عوام کی جیبوں سے سالانہ اربوں روپے نکالے جائیں گے

محمد علی جمعہ 8 اگست 2025 18:12

لاہور (اُردو پوائنٹ اخبارتازہ ترین۔ 08 اگست2025ء) مریم نواز حکومت کا عوام پر صفائی ٹیکس لگانے کا فیصلہ، ماہانہ ہزاروں روپے تک وصول کیے جائیں گے، عوام کی جیبوں سے سالانہ اربوں روپے نکالے جائیں گے۔ تفصیلات کے مطابق حکومت پنجاب نے صوبے بھر میں ماہانہ صفائی فیس عائد کرنے کا فیصلہ کرلیا، رہائشی علاقوں میں فیس 200 جبکہ کمرشل علاقوں میں زیادہ سے زیادہ 5 ہزار روپے تک ہوگی۔

(جاری ہے)

ترجمان محکمہ بلدیات پنجاب نے کہا کہ شہری اور دیہی علاقوں میں مختلف فیس ہوگی، رہائشی علاقوں میں فیس کم جبکہ کمرشل علاقوں میں فیس زیادہ ہوگی۔بلنگ کا سلسلہ ڈیجٹائز ہوگا مگر ابتدائی طور پر 2 ماہ کا بل پرنٹ کرکے دیا جائے گا۔شہری آن لائن ایپلی کیشن کے ذریعے فیس ادا کر سکیں گے۔انہوں نے کہا کہ آن لائن ایپ استعمال نہ کرنے والوں سے کمپنی کے سپروائزر فیس وصول کریں گے، ستھرا پنجاب مہم 8 ماہ سے چل رہی ہے، جس کے تحت کوئی فیس نہیں لی گئی.ترجمان نے کہا کہ اب حکومت پنجاب نے صفائی فیس وصول کرنے کا فیصلہ کیا ہے، پہلے سال ہمارا ٹارگٹ 15 ارب وصول کرنے کا ہے۔