سیرتِ حبیبِ اعظمؐ آن لائن کورس کا آغاز 20 اگست سے ہو گا،حافظ سعید رضا بغدادی

ہفتہ 9 اگست 2025 13:26

لاہور (اُردو پوائنٹ اخبارتازہ ترین - اے پی پی۔ 09 اگست2025ء) تحریک منہاج القرآن نظامت ایجوکیشن اینڈ پروفیشنل ڈویلپمنٹ کے زیر اہتمام 7روزہ سیرتِ حبیبِ اعظم آن لائن کورس کا آغاز20اگست سے ہو گا،رجسٹریشن شروع کر دی گئی ہے۔ نظامت ایجوکیشن اینڈ پروفیشنل ڈویلپمنٹ کے ڈائریکٹر حافظ سعید رضا بغدادی نے کہا کہ یہ علمی، فکری اور تربیتی کورس حضور نبی اکرم ﷺ کی حیاتِ طیبہ، سیرتِ مبارکہ اور تعلیمات کو جدید علمی و تحقیقی انداز میں عام کرنے کے لیے ترتیب دیا گیا ہے۔

اس کورس کے ذریعے شرکاکو نہ صرف سیرتِ نبوی ﷺ کے مختلف پہلووں سے آگاہی فراہم ہو گی بلکہ ان کی عملی زندگی کو حضور ﷺکی تعلیمات کے مطابق ڈھالنے کے لیے رہنمائی بھی دی جائے گی۔حافظ سعید رضا بغدادی نے کہا کہ اس کورس کا مقصد نئی نسل کو سیرت النبی ۖ ﷺسے جوڑنا اور عملی زندگی میں اخلاقِ مصطفوی ۖ کو پروان چڑھانا ہے۔

(جاری ہے)

انہوں نے کہا کہ "آج کے دور میں سیرت النبی ﷺکو صرف نصابی کتب تک محدود کر دینا کافی نہیں بلکہ جدید تحقیقی اور عملی رہنمائی کے ذریعے نوجوانوں کے دلوں میں عشقِ مصطفی ﷺبیدار کرنا وقت کی اہم ضرورت ہے۔

انہوں نے کہا کہ"سیرتِ حبیبِ اعظمؐ کورس نہ صرف ایک تعلیمی پروگرام ہے بلکہ یہ ایک تربیتی سفر بھی ہے جو شرکا کے کردار، اخلاق اور فکری صلاحیتوں میں مثبت تبدیلی لائے گا۔

Facebook Twitter Google + Share on Whatsapp

سیرتِ حبیبِ اعظمؐ آن لائن کورس کا آغاز 20 اگست سے ہو گا،حافظ سعید رضا بغدادی

متعلقہ عنوان :

مزید قومی خبریں