سیکرٹری مواصلات و تعمیرات لعل جان جعفر کے زیر صدارت زیر التواء پی سی ون روڈ اور بلڈنگز براے مالی سال 2025-26سے متعلق اجلاس

منگل 12 اگست 2025 20:00

کوئٹہ (اُردو پوائنٹ اخبارتازہ ترین - اے پی پی۔ 12 اگست2025ء) سیکرٹری مواصلات و تعمیرات لعل جان جعفر کے زیر صدارت زیر التواء پی سی ون روڈ اور بلڈنگز براے مالی سال 2025-26 کے حوالے سے ایک اجلاس منعقد ہوا۔ اجلاس میں تمام چھ زون کے چیف انجینئرز آفیسران چیف انجینئر فیڈرل پروجیکٹس اور محکمہ مواصلات و تعمیرات کے دیگر اعلیٰ حکام بھی موجود تھے۔ اجلاس کو ہر زون کے چیف انجینئر آفیسر نے اپنے زون کے زیر التواء پی سی ون کے حوالے سے تفصیلی بریفنگ دی۔

اس موقع پر سیکرٹری مواصلات و تعمیرات اجلاس سے خطاب کرتے ہوئے کہا کہ ہماری اولین کوشش یہ ہونی چاہیے کہ جلد از جلد زیر التواء پی سی ون کو مکمل کرکے متعلقہ فورم میں پیش کریں تاکہ ان منصوبوں کی وجہ سے صوبے کی ترقی اور انفراسٹرکچر کی بہتری پر منفی اثرات مرتب نا ہوں۔

(جاری ہے)

سیکرٹری مواصلات و تعمیرات نے تمام چیف انجینئرز آفیسران کو سختی سے ہدایات دیں زیر التواء پی سی ون کے حوالے سے کسی بھی قسم کی کمزوری یا کوتاہی نہیں برتی جائے بلکہ اس میں تیزی لائی جائے۔

انہوں نے کہا کہ ہمارے پاس وقت کم اور مقابلہ بہت سخت ہے لہذا اپنے وقت مقررہ سے بھی پہلے پہلے تمام زیر التواء پی سی ون مکمل کیے جائیں ۔ سیکرٹری مواصلات و تعمیرات لعل جان جعفر نے مذید کہا کہ محکمہ مواصلات و تعمیرات کی بہتر کارکردگی کے حوالے سے بھی صوبائی وزیر مواصلات و تعمیرات میر سلیم احمد کھوسہ کے یہ واضح ہدایات ہیں کہ تمام جاری ترقیاتی منصوبے اور زیر التواء پی سی ون کے حوالے سے مذید تیزی اور بہتری لائی جائے تاکہ صوبے کی ترقی اور انفراسٹرکچر کی تعمیر میں جو کردار محکمہ مواصلات و تعمیرات کا ہے اس میں مذید بہتری آئے۔

Facebook Twitter Google + Share on Whatsapp

سیکرٹری مواصلات و تعمیرات لعل جان جعفر کے زیر صدارت زیر التواء پی سی ون روڈ اور بلڈنگز براے مالی سال 2025-26سے متعلق اجلاس

مزید قومی خبریں