چین کا ڈیجیٹل انفراسٹرکچر دنیا میں صف اول مقام پر ہے،نیشنل ڈیٹا ایڈمنسٹریشن

جمعرات 14 اگست 2025 19:20

بیجنگ (اُردو پوائنٹ اخبارتازہ ترین - اے پی پی۔ 14 اگست2025ء) چین کی سٹیٹ کونسل کے انفارمیشن آفس کے مطابق نیشنل ڈیٹا ایڈمنسٹریشن کے حکام نے کہا ہے کہ چودہویں پانچ سالہ منصوبے کے بعد سے چین کے ڈیجیٹل انفراسٹرکچر نے تیزی سے ترقی کی ہے جو ٹیکنالوجی کے لحاظ سے دنیا میں صف اول کی پوزیشن پر ہے جبکہ کمپیوٹنگ پاور میں دنیا میں دوسرے نمبر پر ہے۔

(جاری ہے)

چینی میڈیا کے مطابق آٹھ کمپیوٹنگ ہبز میں سے پانچ مغربی خطے میں ہیں ، جو مغربی علاقوں کی صاف توانائی کی صلاحیتوں کو بروئے کار لاتے ہوئے علاقائی ہم آہنگی کو فروغ دینے میں مددگار ثابت ہو رہا ہے ۔جون 2025 کے اختتام تک فائیو جی بیس سٹیشنز کی مجموعی تعداد 4.55 ملین اور گیگا بائٹ براڈ بینڈ صارفین کی تعداد 226 ملین تک پہنچ چکی ہے۔2024 میں چین میں ڈیٹا انٹرپرائزز کی تعداد چار لاکھ سے تجاوز کر گئی اور ڈیٹا انڈسٹری کا حجم 5.86 ٹریلین یوآن تک پہنچ گیا۔