منہاج القرآن کے زیر اہتمام 7روزہ سیرتِ حبیبِ اعظم ﷺ20اگست سے شروع ہو گا

ہفتہ 16 اگست 2025 14:32

لاہور (اُردو پوائنٹ اخبارتازہ ترین - اے پی پی۔ 16 اگست2025ء) تحریک منہاج القرآن نظامت ایجوکیشن اینڈ پروفیشنل ڈویلپمنٹ کے زیر اہتمام 7روزہ سیرتِ حبیبِ اعظم ۖ آن لائن کورس کا آغاز20 اگست سے ہو گا،رجسٹریشن شروع کر دی گئی ہے۔ نظامت ایجوکیشن اینڈ پروفیشنل ڈویلپمنٹ کے ڈائریکٹر حافظ سعید رضا بغدادی نے کہا ہے کہ یہ علمی، فکری اور تربیتی کورس حضور نبی اکرم ،ان کی حیاتِ طیبہ، سیرتِ مبارکہ اور تعلیمات کو جدید علمی و تحقیقی انداز میں عام کرنے کے لیے ترتیب دیا گیا ہے۔

اس کورس کے ذریعے شرکا ء کو نہ صرف سیرتِ نبویۖکے مختلف پہلووں سے آگاہی فراہم ہو گی بلکہ ان کی عملی زندگی کو حضور ﷺ کی تعلیمات کے مطابق ڈھالنے کے لیے رہنمائی بھی دی جائے گی۔حافظ سعید رضا بغدادی نے کہا کہ اس کورس کا مقصد نئی نسل کو سیرت النبیﷺ ۖسے جوڑنا اور عملی زندگی میں اخلاقِ مصطفویﷺ کو پروان چڑھانا ہے۔

(جاری ہے)

انہوں نے کہا کہ یہ کورس دینِ اسلام کی اصل روح سے روشناس کرانے اور نوجوانوں کو جدید علمی تقاضوں کے مطابق فکری مضبوطی فراہم کرنے کا اہم ذریعہ بنے گا۔

حافظ سعید رضا بغدادی نے کہا کہ آج کے دور میں سیرت النبیﷺ کو صرف نصابی کتب تک محدود کر دینا کافی نہیں بلکہ جدید تحقیقی اور عملی رہنمائی کے ذریعے نوجوانوں کے دلوں میں عشقِ مصطفیﷺ بیدار کرنا وقت کی اہم ضرورت ہے۔ یہ کورس اسی مقصد کے تحت ترتیب دیا گیا ہے تاکہ شرکاء حضور نبی اکرم ﷺ کی حیاتِ طیبہ سے رہنمائی حاصل کر یںاور اسے اپنی زندگی کا حصہ بنا ئیں۔انہوں نے مزید کہا کہ سیرتِ حبیبِ اعظمﷺ کورس نہ صرف ایک تعلیمی پروگرام ہے بلکہ یہ ایک تربیتی سفر بھی ہے جو شرکاء کے کردار، اخلاق اور فکری صلاحیتوں میں مثبت تبدیلی لائے گا۔ انہوں نے کہاکہ ہر فرد حضور نبی اکرمﷺ کی تعلیمات کو اپنی عملی زندگی میں نافذ کرے تاکہ معاشرہ حقیقی معنوں میں اسلامی اقدار کا عکاس بن سکے۔

Facebook Twitter Google + Share on Whatsapp

منہاج القرآن کے زیر اہتمام 7روزہ سیرتِ حبیبِ اعظم ﷺ20اگست سے شروع ہو گا

متعلقہ عنوان :

مزید قومی خبریں