نائجیریا میںکشتی الٹنے سے 40 سے زائد افراد لاپتہ

کشتی میں 50 سے زائد مسافر سوار تھے،10کوبچالیاگیا،امدادی کارروائیاں جاری

پیر 18 اگست 2025 16:51

ابوجہ (اُردو پوائنٹ اخبارتازہ ترین - این این آئی۔ 18 اگست2025ء)نائجیریا میں کشتی الٹنے سے 40 سے زائد افراد لاپتہ ہوگئے۔غیرملکی میڈیا کے مطابق نائجیریا کی شمال مغربی ریاست سکوٹو میں کشتی کو حادثہ پیش آیا ہے، اطلاعات کے مطابق کشتی میں 50 سے زائد مسافر سوار تھے۔

(جاری ہے)

نائجیریا کی نیشنل ایمرجنسی مینجمنٹ نے سوشل میڈیا اکائونٹ پر جاری ہونے والے بیان میں کہا، کشتی کے 10 مسافروں کو بچالیا گیا ہے۔نائجیریا کے میڈیا نے رپورٹ کیا کہ کشتی میں گنجائش سے زیادہ افراد کے سوار ہونے کی وجہ سے حادثہ پیش آیا۔