چین کا تمام فریقین سے یوکرین بحران کے حل کے لیے امن مذاکرات میں شامل ہونے کی اپیل

منگل 19 اگست 2025 09:10

بیجنگ (اُردو پوائنٹ اخبارتازہ ترین - اے پی پی۔ 19 اگست2025ء) چین نے یوکرین بحران میں شامل تمام فریقین اور متعلقہ اسٹیک ہولڈرز پر زور دیا ہے کہ وہ امن مذاکرات میں فعال شرکت کریں اور جلد از جلد ایسا منصفانہ اور پائیدار معاہدہ طے پائیں جو تمام فریقوں کے لیے قابل قبول ہو۔

(جاری ہے)

سی جی ٹی این کے مطابق چینی وزارتِ خارجہ کی ترجمان ماو نِنگ نےکہا کہ چین یوکرین بحران کے پرامن حل کے لیے کی جانے والی تمام کوششوں کی حمایت کرتا ہے۔ انہوں نے امریکی اور روسی صدر کی ملاقات پر تبصرہ کرتے ہوئے کہا کہ چین روس اور امریکا کے درمیان مسلسل رابطے کا خیر مقدم کرتا ہے، اور دونوں ممالک کی حوصلہ افزائی کرتا ہے کہ وہ باہمی تعلقات بہتر بنائیں اور یوکرین بحران کے سیاسی حل کی جانب پیش رفت کریں۔