فیصل آباد،مکئی کے کاشتکاروں کو آبپاش علاقوں میں 30اگست سے قبل فصل میں فاسفورس اور پوٹاش کی ساری مقدار ڈالنے کی ہدایت

بدھ 20 اگست 2025 12:02

فیصل آباد (اُردو پوائنٹ اخبارتازہ ترین - اے پی پی۔ 20 اگست2025ء) محکمہ زراعت نے آبپاش علاقوں کے کاشتکاروں کو مکئی کی فصل میں 30اگست سے قبل فاسفورس اور پوٹاش کی ساری مقدار ڈالنے کی ہدایت کی ہے۔ نظامت زرعی اطلاعات محکمہ زراعت فیصل آباد کے ترجمان نے کہا ہے کہ کاشتکار 30اگست سے قبل مکئی کے کھیتوں میں فاسفور س اور پوٹاش کی مکمل مقدار جبکہ نائٹروجن کا پانچواں حصہ ڈال دیں تاکہ مکئی کی اچھی پیداوار حاصل ہو سکے۔

(جاری ہے)

انہوں نے کہاکہ مون سون کے دوران جڑی بوٹیاں تیزی سے افزائش پاتی ہیں لہٰذا ان جڑی بوٹیوں کی بروقت تلفی بھی ضروری ہے۔انہوں نے کہاکہ اگرچہ مکئی کی اگیتی اقسام کی کاشت کا موزوں وقت 20 اگست تک ہے تاہم بارانی علاقوں میں مون سون کی بارشوں کے باعث کاشتکار مکئی کی کاشت 30 اگست تک بھی مکمل کرسکتے ہیں۔ انہوں نے کہاکہ مکئی کی اچھی پیداوار کےلئے ڈرل کاشت کی صورت میں 12 سے13 کلوگرام بیج جبکہ کھیلیوں پر کاشت کی صورت میں 8 سے10کلوگرام اور چارہ کے طور پر استعمال کی صورت میں 40 سے50کلوگرام فی ایکڑ بیج استعمال کیاجاسکتاہے۔

Facebook Twitter Google + Share on Whatsapp

فیصل آباد،مکئی کے کاشتکاروں کو آبپاش علاقوں میں 30اگست سے قبل فصل میں فاسفورس اور پوٹاش کی ساری مقدار ڈالنے کی ہدایت

مزید زراعت کی خبریں