بے ہنگم ٹریفک کنٹرول کرنے کیلئے ڈرون ٹیکنالوجی استعمال کرنے کافیصلہ

ابتدائی طور پر ماہ ستمبر سی10ڈرون کیمروں سے ٹریفک جام رہنے کی مانیٹرنگ کی جائے گی

جمعرات 21 اگست 2025 21:35

لاہور(اُردو پوائنٹ اخبارتازہ ترین - این این آئی۔ 21 اگست2025ء)لاہور میں بے ہنگم ٹریفک کنٹرول کرنے کیلئے ڈرون ٹیکنالوجی استعمال ہوگی۔سیف سٹی حکام نے شہر میں بے ہنگم ٹریفک اور ٹریفک جام پرفوری رسپانس کیلئے ڈرون استعمال کرنے کافیصلہ کرلیا ہے جس کے تحت شہر کی معروف اور مصروف شاہراہوں کی مانیٹرنگ کے لیے ڈرون کیمرے استعمال کئے جائیں گے،ابتدائی طور پر ماہ ستمبر سی10ڈرون کیمروں سے ٹریفک جام رہنے کی مانیٹرنگ کی جائے گی۔

(جاری ہے)

سیف سٹیز حکام کے مطابق ستمبر کے آخر میں ڈرون کیمروں سے مانیٹرنگ کا آغاز ہو جائے گا،ڈرون ٹیکنالوجی وارڈنز کے ایل ٹی ہینڈ سیٹس سیمنسلک ہوگی،ڈرونز کی نشاندہی پر وارڈنز بروقت موقع پر پہنچ کر ٹریفک روانی یقینی بنائیں گے،ڈرون کیمروں سے مانیٹرنگ کے ذریعے ٹریفک مسائل کم ہوں گے،ڈرون کیمروں کی تعداد بڑھا کر شہر بھر کی مانیٹرنگ کی جائے گی۔