اٹک پولیس نے 15 سالہ معصوم لڑکی کی 65 سالہ شخص سے شادی کی کوشش ناکام بنا کر دولہا، دلہن کے والد کو گرفتار کر کے مقدمہ درج کر دیا

جمعہ 29 اگست 2025 17:42

اٹک (اُردو پوائنٹ اخبارتازہ ترین - اے پی پی۔ 29 اگست2025ء) اٹک پولیس نے 15 سالہ معصوم لڑکی کی 65 سالہ شخص سے شادی کی کوشش ناکام بنا کر دولہا، دلہن کے والد کو گرفتار کر کے مقدمہ درج کر دیا۔

(جاری ہے)

تھانہ حضرو کی پولیس گشت پر موجود تھی کہ پکار 15 پر اطلاع ملنے پر ہمسفر شادی ہال کے قریب رہائش ازان عزیز الرحمٰن ولد مولانا فضل واحد پہنچے تو مسماۃ ح بی بی دختر واحد گل سکنہ نزد چھچھ انٹرچینج حضرو نے بتایا کہ وہ 15 سال کی ہے اسکی شادی اسکے والد واحد گل نے مسمی عزیزالرحمٰن جو کہ 65 سال کا ہے جس نے مجھے زبردستی اپنے گھر میں رکھا ہوا ہے جس پر عزیز الرحمٰن سے اس بابت تصدیق کی گئی جس نے بھی بتایا کہ اس نے واحد گل کی ایماء پر مسماۃ ح بی بی سے شادی کر کےا سکو اپنے گھر میں رکھا ہوا ہے جس پر پولیس نے عزیز الرحمٰن اور واحد گل دونوں کو گرفتار کر کے مقدمہ درج کر لیا۔

اس موقع پر ڈی پی او اٹک کا کہنا تھا کہ خواتین اور بچوں پر ظلم کے خلاف اٹک پولیس حکومت پنجاب کی پالیسی پر عمل پیرا ہو کر ایسے عناصر کو قانون سے قرار واقعی سزا دلوا ئے گی۔\378