رکن اسمبلی زرک مندوخیل سے سماجی رہنماؤں کی ملاقات ، سیاسی اور علاقائی صورتحال پر تبادلہ خیال

جمعہ 22 اگست 2025 22:10

کوئٹہ (اُردو پوائنٹ اخبارتازہ ترین - اے پی پی۔ 22 اگست2025ء) رکن اسمبلی زرک مندوخیل سےسماجی رہنماؤں نکاش عباسی اور حماد علی نے ملاقات کی اور سیاسی اور علاقائی مجموعی صورتحال پر تبادلہ خیال کیا ۔ اس موقع صوبائی اسمبلی کے رکن شیخ زرک مندوخیل نے کہا کہ علاقے کے مسائل کے حل کے لیے ہمہ وقت کوشاں ہیں ۔ انہوں نے کہا کہ علاقے کے بنیادی اور درینہ مسائل کے حل کے لیے تمام حکمت عملی بروئے کار لارہے ہیں۔

(جاری ہے)

زرک مندو خیل نے کہا ہے کہ علاقے میں سب سے اہم مسئلہ پینے کے پانی کا ہے جس کے حل کے لیے ایک منصوبہ بندی کی گئی ہے، مری آباد میں ٹیوب ویلز کا منصوبہ شروع کیا گیا ہے جوکہ 35 کروڑ روپے کی لاگت سے مکمل ہوگا جس کا جلد ٹینڈر ہوگا۔ انہوں نے کہا کہ اس منصوبے سے پی بی 42 میں پانی کی قلت کو دور کیا جائے گا ۔ اس موقع پر علاقے کے سماجی رہنما نکاش عباسی نے کہا ہے کہ یہ ایک بہترین منصوبہ ہے اس سے نہ صرف علاقے کی برسوں پرانی مشکلات کا خاتمہ ہوگا بلکہ علاقے کی ترقی اور خوشحالی میں ایک سنگ میل ثابت ہوگا۔