Live Updates

الخدمت پاکستانیوں کے تعاون سے فلسطینیوں پر ایک ارب ڈالر خرچ کرے گی، حافظ نعیم

جمعرات 9 اکتوبر 2025 16:39

اسلام آباد (اُردو پوائنٹ اخبارتازہ ترین - این این آئی۔ 09 اکتوبر2025ء) امیر جماعت اسلامی پاکستان حافظ نعیم الرحمن نے اعلان کیا ہے کہ جماعت اسلامی کی الخدمت فاؤنڈیشن پاکستانیوں کے تعاون سے فلسطینیوں پر ایک ارب ڈالر خرچ کرے گی ، غزہ میں 3 ارب روپے کی لاگت سے ہسپتال تعمیر کیا جائے گا۔اسلام آباد میں اسکولوں کے طلبہ کے غزہ مارچ سے خطاب کرتے ہوئے حافظ نعیم الرحمن نے کہا کہ الخدمت فائونڈیشن فلسطینی عوام کی امداد جاری رکھے گی، الخدمت فائونڈیشن پاکستانیوں کی مدد اے ایک ارب ڈالر فلسطینیوں کے لیے خرچ کرے گی، الخدمت کے تحت غزہ میں 3ارب روپے کی لاگت سے ہسپتال بنائیں گے، میں خود فلسطینیوں کی مدد کے لییعوام کے پاس جائوں گا۔

حافظ نعیم الرحمن نے کہا کہ پاکستام ایٹمی طاقت ہونے کیناطے فعال کردارادکرے، اسرائیل سے کوئی اچھی امید نہیں، اسرائیل ہمیشہ معاہدوں اور قوانین کی خلاف ورزی کرتا ہے، اب ٹرمپ سمیت دیگر قوتوں کا امتحان ہیکہ وہ اسرائیل کو معاہدے پر عملدرآمد کا پابند بنائیں، دنیا نیاسرائیل کو لگام نہیں ڈالی تو یہ سلسلہ رکے گا نہیں۔

(جاری ہے)

امیر جماعت اسلامی نے کہا کہ حماس ایک عوامی قوت ہے جس کا راستہ روکا گیا، حماس ایک مزاحمتی قوت ہے، جسے ہتھیار اٹھانے کی اجازت اقوام متحدہ کا چارٹر دیتا ہے، حماس کا ساتھ دینا چاہیے، اسلام آباد میں حماس کا دفتر قائم ہونا چاہیے۔

حافظ نعیم الرحمن نے واضح کیا کہ ریاست صرف ایک ہے وہ آزاد فلسطین کی ریاست ہے،باقی سب قبضہ ہے، اسرائیلی ریاست کو بانی پاکستان نے بھی تسلیم نہیں کیا تھا،صرف ایک ہی ریاست ہے اور وہ آزاد فلسطین کی ریاست ہے۔حافظ نعیم الرحمن نے کہا کہ آزادی کبھی بھی گھر بیٹھنے اور باتیں کرنے سے نہیں ملتی،بیت القدس مسلمانوں کا قبلہ اول ہے، مسجد اقصیٰ پر یہودیوں کا قبضہ ہے، صہونیوں نے پوری دنیا کے یہودیوں کو جمع کیا ہے، اسرائیل امریکہ کی مدد سے اپنے مقاصدکے لیے مسلمانوں پر حملے کر رہا ہے، اسرائیل کی تمام کارروائیوں میں امریکا اس کا پشتیبان ہے۔

امیر جماعت اسلامی نے کہا کہ دو سال تک بمباری کی گئی اور بچوں کوٹارگٹ کرکے شہیدکیا گیا، آج کے معاہدے پر اسرائیل کے ساتھ حما س کے بھی دستخط ہیں، اسرائیل دوسال کی بمباری میں حماس سے ایک قیدی بھی نہیں چھڑاسکا۔انہوں نے کہا کہ فلسطینی بچوں سے یکجہتی کے لیے ہزاروں کی تعداد میں مارچ میں آنے پر شرکا کو مباکباد پیش کرتا ہوں۔