پی ایچ اے ملتان کے زیراہتمام لیڈیز پارک گلگشت میں 2دکانوں کی کامیاب بولی مکمل کرلی گئی

جمعہ 29 اگست 2025 19:02

ملتان (اُردو پوائنٹ اخبارتازہ ترین - اے پی پی۔ 29 اگست2025ء) پی ایچ اے ملتان میں د کانوں کی بولی کا انعقاد کیا گیا۔ پی ایچ اے ملتان کے زیراہتمام لیڈیز پارک گلگشت میں 2دکانوں کی کامیاب بولی مکمل کرلی گئی۔اس موقع پرڈی جی پی ایچ اے ملتان کریم بخش ڈائریکٹر ایڈمن اینڈ فنانس اسد علی،ہاؤسنگ اور ڈپٹی کمشنر کے نمائندے بھی موجود تھے ۔نیلامی میں دو سو سے زائد لوگوں نے شرکت کی۔

سرکاری بولی سےآغازہونیوالی بولی آٹھ سے دس گناہ زیادہ پرگئی۔

(جاری ہے)

اس موقع پر ڈی جی پی ایچ اے ملتان کریم بخش نے کہا کہ ادارے کو دکانوں کی نیلامی سےکروڑسے زائد سالانہ آمدنی ہوگی جو کہ خوش آئند ہے ۔انہوں نے کہاکہ ادارے کی سیلف انکم میں اضافے کیلئے بھر پوراقدامات کر رہے ہیں۔انہوں نے بتایاکہ دیگر کینٹینز اور سٹینڈ کی نیلامی بھی کی جائے گی۔اس موقع پر ڈی جی پی ایچ اے ملتان کریم بخش نے کہا کہ ایڈورٹائزمنٹ میں کامیاب نیلامی کے بعد دکانوں کی نیلامی میں ہونے والی آمدنی سے ادارے کواستحکام حاصل ہوگا ، تاریخی بولی پر تمام آفیسران مبارکباد کے مستحق ہیں ، شہرکی خوبصورتی میں اضافے میں بھرپوراقدامات کر رہے ہیں، سیلف انکم میں اضافے سےادارےکو مضبوط بنانے میں مدد ملےگی۔

Facebook Twitter Google + Share on Whatsapp

پی ایچ اے ملتان کے زیراہتمام لیڈیز پارک گلگشت میں 2دکانوں کی کامیاب بولی مکمل کرلی گئی

متعلقہ عنوان :

مزید قومی خبریں