ستمبر کاشتہ کماد میں چنے کی مخلوط کاشت مفید ثابت ہوئی ہے،کاشتکار ڈرل یا پور سے چنے کی کاشت یقینی بنائیں،محکمہ زراعت

بدھ 3 ستمبر 2025 13:30

فیصل آباد (اُردو پوائنٹ اخبارتازہ ترین - اے پی پی۔ 03 ستمبر2025ء) ستمبر کاشتہ کماد میں چنے کی مخلوط کاشت انتہائی مفید ثابت ہوتی ہے لہٰذا کاشتکارستمبرمیں ڈرل یا پور سے چنے کی کاشت یقینی بنائیں اور 4 سے ساڑھے 4 فٹ کے فاصلہ پر کاشتہ کماد کے درمیان بیڈ پر چنے کی 2لائنیں جبکہ 2 سے اڑھائی فٹ کے فاصلہ پر کاشتہ کماد کے درمیان بیڈ پر چنے کی ایک لائن کاشت کریں تاکہ کماد کے ساتھ ساتھ چنے کی اچھی فصل بھی حاصل ہو سکے۔

(جاری ہے)

ڈویژنل ڈائریکٹر محکمہ زراعت توسیع فیصل آبادچوہدری خالد محمود نے بتایا کہ کاشتکارچنے کی دیسی اقسام بلکسر2000، پنجاب 2008، ونہار 2000، بٹل 98، تھل 2006، سی ایم 98، بھکر 2011 وغیرہ اور کابلی چنے کی اقسام سی ایم 2008، نور91، نور 2009، نور2013 وغیرہ کاشت کرکے بمپر کراپ حاصل کرسکتے ہیں۔ انہوں نے کہاکہ کاشتکار چنے کی اچھی پیداوار حاصل کرنے کیلئے بوائی کے وقت ڈیڑھ سے 2بوری ڈی اے پی کھاد فی ایکڑ بھی استعمال کریں تاکہ انہیں شاندار فصل حاصل کرنے میں کسی مشکل کاسامنا نہ کرناپڑے۔ انہوں نے کہاکہ اس ضمن میں مزید رہنمائی کیلئے محکمہ زراعت کے فیلڈ سٹاف یاماہرین زراعت سے بھی مشاورت کی جاسکتی ہے۔

Facebook Twitter Google + Share on Whatsapp

ستمبر کاشتہ کماد میں چنے کی مخلوط کاشت مفید ثابت ہوئی ہے،کاشتکار ڈرل یا پور سے چنے کی کاشت یقینی بنائیں،محکمہ زراعت

متعلقہ عنوان :

مزید زراعت کی خبریں