نیپال میں8 ہزار میٹر سے بلند چوٹی اکیلے سر کرنے پر پابندی عائد کردی گئی

رواں سال کے آغاز میں اختیار کی گئی تبدیلیوں کے بعد غیر ملکی کوہ پیماؤں کے لیے رائلٹی فیس میں بھی اضافہ

جمعہ 5 ستمبر 2025 15:20

کھٹمنڈو (اُردو پوائنٹ اخبارتازہ ترین - این این آئی۔ 05 ستمبر2025ء)نیپالی حکومت کی جانب سے ماؤنٹ ایورسٹ سمیت تمام 8 ہزار میٹر سے بلند پہاڑوں کو اکیلے سر کرنے پر عائد پابندی نافذ العمل ہوگئی ہے۔غیر ملکی میڈیا رپورٹس کے مطابق 8 ہزار میٹر سے بلند تمام چوٹیوں پر اکیلے مہمات اور پیدل سفر کرنے سے متعلق نیا ضابطہ باضبطہ طور پر یکم ستمبر سے نافذ العمل ہو گیا ہے۔

نیپالی حکومت نے کوہ پیمائی کے ضابطے میں رواں سال کے آغاز میں چند تبدیلیاں کی تھی۔

(جاری ہے)

اس چھٹی ترمیم کے تحت 8 ہزار میٹر سے زائد بلند چوٹیوں پر چڑھائی کے لیے ضروری ہے کہ کوہ پیمائی ٹیم کم از کم 2 ارکان پر مشتمل ہو اور ان کے ساتھ ایک گائیڈ کا ہونا ضروری ہے۔میڈیا رپورٹس کے مطابق رواں سال کے آغاز میں اختیار کی گئی تبدیلیوں کے بعد غیر ملکی کوہ پیماؤں کے لیے رائلٹی فیس میں بھی اضافہ کردیا گیا ہے۔واضح رہے کہ دنیا کی 10 بلند ترین چوٹیوں میں سے 8 نیپال میں ہیں، جس میں ماؤنٹ ایورسٹ بھی شامل ہے۔ اس لیے کوہ پیمائی میں دلچسپی رکھنے والے افراد نیپال کا رٴْخ کرتے ہیں۔