میٹا کیخلاف امریکی وکیل مارک زکربرگ عدالت پہنچ گئے

فیس بک اکاونٹ معطل کیے جانے کے بعد ٹیکنالوجی کمپنی پر مقدمہ دائر کردیا

اتوار 7 ستمبر 2025 14:15

واشنگٹن (اُردو پوائنٹ اخبارتازہ ترین - این این آئی۔ 07 ستمبر2025ء)امریکی ٹیکنالوجی کمپنی میٹا کے خلاف مارک زکربرگ عدالت پہنچ گئے۔مارک زکربرگ کا نام سن کر اگر آپ میٹا کے سربراہ مارک زکربرگ کا تصور کر رہے ہیں تو آپ نے بھی وہی غلطی دہرا دی جس کے خلاف امریکی وکیل مارک زکربرگ نے عدالت کا رخ کیا ہے۔

(جاری ہے)

غیر ملکی میڈیا رپورٹس کے مطابق امریکی وکیل جو فیس بک کی مالک کمپنی میٹا کے سربراہ مارک زکربرگ کے ہم نام ہے، انہوں نے بار بار اپنا فیس بک اکاونٹ میٹا کی جانب سے معطل کیے جانے کے بعد ٹیکنالوجی کمپنی پر مقدمہ دائر کردیا ۔میڈیا رپورٹ کے مطابق اٹارنی مارک ایس زکربرگ ریاست انڈیانا میں مقیم ہیں اور تقریبا 38 سالوں سے دیوالیہ پن کے قانون دان ہیں۔