اسرائیل نے ہماری حدود میں بمباری کی ہے،شامی حکومت

منگل 9 ستمبر 2025 19:43

دمشق (اُردو پوائنٹ اخبارتازہ ترین - این این آئی۔ 09 ستمبر2025ء)شامی وزارتِ خارجہ نے بیان میں کہا کہ اسرائیلی فضائیہ نے شامی حدود میں مختلف شہروں پر بمباری کی ہے۔عرب میڈیا کے مطابق شامی وزارت خارجہ نے کہا کہ اسرائیل نے کھلی جارحیت کرتے ہوئے اس خدمختاری اور علاقائی سالمیت پر حملہ کیا ہے۔

(جاری ہے)

شامی وزارت خارجہ کی جانب سے جاری ہونے والے بیان میں کہا گیا کہ اسرائیلی فضائیہ نے حمص، لطاکیہ اور تاریخی شہر پالمیرا میں بمباری کی۔شامی حکومت کی جانب سے اسرائیلی حملوں میں ہونے والی تباہ کاری کے حوالے سے تفصیلات نہیں سامنے نہیں آئی ہیں۔دوسری جانب اسرائیلی حکومت نے ان فضائی حملوں کے حوالے سے کوئی بیان جاری نہیں کیا۔