صوابی ، پولیس کا محفل موسیقی پر چھاپہ ،226آوارہ لڑکے خواجہ سرائوں سمیت گرفتار

بدھ 10 ستمبر 2025 23:19

صوابی (اُردو پوائنٹ اخبارتازہ ترین - این این آئی۔ 10 ستمبر2025ء)صوابی پولیس نے محفل موسیقی پر چھاپہ مار کر دور دراز سے آئے 226 آوارہ لڑکوں کو خواجہ سرائوں سمیت گرفتارکر لیا ۔ ڈی پی او آفس سے جاری پریس ریلیز کے مطابق عوامی شکایات کے پیشِ نظر ڈسٹرکٹ پولیس آفیسر صوابی ضیا الدین احمد کی واضح ہدایات پر، ڈی ایس پی سرکل صوابی سٹی اعجاز آبازئی کی براہِ راست نگرانی میں ایس ایچ او تھانہ صوابی سید الامین خان،ایس ایچ او زیدہ فاروق خان،ایس ایچ او ٹوپی نعیم خان بمع پولیس ٹیم نے خفیہ اطلاع پر بروقت اور فیصلہ کن کارروائی کرتے ہوئے خواجہ سراں کی محفلِ موسیقی پر چھاپہ مارا۔

اس فخاش غیر اخلاقی اجتماع میں دور دراز اضلاع سے آئے ہوئے سینکڑوں آوارہ اور بدمعاش لڑکے شریک تھے۔

(جاری ہے)

جنہوں نے پولیس پارٹی کی ساتھ مذاحمت بھی کی، پولیس نے مثر حکمتِ عملی کے تحت کارروائی کرتے ہوئے موقع پر خواجہ سراں سمیت 226 افراد کو حراست میں لے کر مقدمات درج کیے اور تمام ملزمان کو گرفتار کرکے عدالت کے حوالے کر دیا۔ملزمان کیخلاف جرم 149, 148, 294, 506, 186, 149, 34,3/4AF,15AA اور لوڈ سپیکڑ ایکٹ کے مقدمات درج کی گئی،ڈی پی او صوابی نے کہا کہ اس قسم کی بے راہ روی، فحاشی اور معاشرتی بگاڑ پھیلانے والے کسی بھی شخص کو معاف نہیں کیا جائے گا۔

ایسے عناصر کے خلاف زیرو ٹالرنس پالیسی کے تحت سخت قانونی کارروائی عمل میں لائی جا رہی ہے۔علاقے میں سیکیورٹی مزید سخت کر دی گئی ہے، جبکہ سنیپ چیکنگ، ناکہ بندی اور خفیہ نگرانی کا عمل بھی تیز کر دیا گیا ہے تاکہ آئندہ کسی کو بھی ایسی غیر اخلاقی محافل کے انعقاد کی جرات نہ ہو،