اسلام آباد پولیس کا جر ائم پیشہ عناصر کیخلاف کر یک ڈاؤن ، 10اشتہا ری مجرمان سمیت18جر ائم پیشہ عناصر گرفتار، اسلحہ بر آمد

اتوار 14 ستمبر 2025 18:55

اسلام آباد (اُردو پوائنٹ اخبارتازہ ترین - این این آئی۔ 14 ستمبر2025ء)اسلام آباد پولیس نے جر ائم پیشہ عناصر کے خلاف مو ثر کر یک ڈاؤن کرتے ہوئے سنگین جر ائم میں ملو ث 10اشتہا ری مجرمان سمیت18جر ائم پیشہ عناصر گرفتار کر کے قبضہ سے منشیات اور اسلحہ معہ ایمونیشن برآمد کرلیا،گرفتار ملزمان کے خلاف مقدمات درج کر کے مزید تفتیش شروع کر دی گئی ۔

(جاری ہے)

تفصیلات کے مطابق انسپکٹر جنرل آف پولیس اسلام آبادسید علی ناصر رضوی کے خصوصی احکامات پر اسلام آباد پولیس کا وفاقی دارلحکومت میں شہریوں کی جان ومال کے تحفظ کو یقینی بنانے کیلئے جرائم کے انسداد اور جرائم پیشہ عناصر کی گرفتار ی کیلئے مو ثر کریک ڈاؤن جاری ہے،اس سلسلے میں تھانہ سیکرٹریٹ ،تھانہ آبپارہ ، تھانہ شالیمار ، تھانہ رمنا،تھانہ ترنول ،تھانہ سبزی منڈی اور تھانہ کرپا پولیس ٹیموں نی08 ملزمان کو گرفتار کرکے ان کے قبضہ سے ایک کلو223 گر ام ہیروئن ، 275 گر ام آ ئس، 510گر ام چرس، مختلف بور کے چار پستول معہ ایمونیشن برآمد کرلیے، گرفتارملزمان کے خلاف مقدمات درج کرکے مزید تفتیش جاری ہے جبکہ مجرمان اشتہاری اور عدالتی مفروران کی گرفتار ی کے لئے چلائی جانے والی خصوصی مہم کے دوران10 مجرمان کی گرفتار ی بھی عمل میں لائی گئی، ایس ایس پی آپریشنز اسلام آ باد محمد شعیب خان نے کہاکہ اسلام آباد پولیس وفاقی دارلحکومت میں شہریوں کی جان و مال کے تحفظ کو یقینی بنانے کے لئے ہمہ وقت مصروف عمل ہے،کسی بھی عناصر کو شہریوں کے امن میں خلل ڈالنے کی اجازت نہیں دی جائے گی،شہریوں کی جان و ما ل کی حفاظت اسلام آباد پولیس کی اولین ترجیح ہے، شہریوں سے بھی گزارش ہے کہ کسی بھی مشکوک سرگرمی کے متعلق متعلقہ تھانہ یا ایمرجنسی ہیلپ لائن"پکار-15 " پرفوری اطلاع دیں تاکہ پولیس اور عوام کے باہمی تعاون سے شہر کوجرائم سے پاک کیاجا سکے۔