فیصل آباد ،کاشتکاروں کو مسور کی ترقی دادہ اقسام کی کاشت یکم اکتوبر سے شروع کرنے کی ہدایت

پیر 15 ستمبر 2025 13:30

فیصل آباد (اُردو پوائنٹ اخبارتازہ ترین - اے پی پی۔ 15 ستمبر2025ء) ریسرچ انفارمیشن یونٹ آری فیصل آباد نے کاشتکاروں کو مسور کی ترقی دادہ اقسام کی کاشت یکم اکتوبر سے شروع کرنے کی ہدایت کی ہے۔

(جاری ہے)

ترجمان نے کہا ہے کہ راولپنڈی، جہلم، چکوال، گجرات، سیالکوٹ، بہاولپور، مظفر گڑھ، ڈی جی خان کے اضلاع میں مسور کی منظور شدہ ترقی دادہ اقسام مسور 85، مسور 95، لوکل مسور،مانسہرہ89کی کاشت سے بہترین پیداوار حاصل کی جا سکتی ہے۔

انہوں نے کہا کہ مذکورہ علاقوں میں کاشت کا عمل یکم اکتوبر سے شروع کر کے 15نومبر تک اور آبپاش علاقوں میں 15اکتوبر سے شروع کر کے 15نومبر تک مکمل کیا جا سکتاہے۔ انہوں نے بتایاکہ مسور 85کی کاشت کے لئے 8کلوگرام بیج فی ایکڑ، مسور95 اور لوکل مسورکے لئے 8کلوگرام فی ایکڑ جبکہ مانسہرہ 89 کے لئے 12کلوگرا م فی ایکڑ بیج ڈالنا مفید ہے۔

Facebook Twitter Google + Share on Whatsapp

فیصل آباد ،کاشتکاروں کو مسور کی ترقی دادہ اقسام کی کاشت یکم اکتوبر سے شروع کرنے کی ہدایت

متعلقہ عنوان :

مزید زراعت کی خبریں