Live Updates

کیپٹن احمد مبین اور زاہد اکرم گوندل شہداء لاہور پولیس انٹر ڈسٹرکٹ ٹی ٹونٹی کرکٹ ٹورنامنٹ2025ء کا آغاز

منگل 16 ستمبر 2025 14:22

لاہور (اُردو پوائنٹ اخبارتازہ ترین - این این آئی۔ 16 ستمبر2025ء) کیپٹن احمد مبین اور زاہد اکرم گوندل شہداء لاہور پولیس انٹر ڈسٹرکٹ ٹی ٹونٹی کرکٹ ٹورنامنٹ2025ء کا آغازہو گیا ۔ڈی آئی جی (ایڈمن) عمران کشور نے پنجاب یونیورسٹی کیمپس 4میںٹورنامنٹ کی افتتاحی تقریب میں شرکت کی۔ ٹورنامنٹ کا پہلا میچ ایلیٹ فورس اوراینٹی رائٹ فورس کے مابین کھیلا گیا۔

اینٹی رائٹ فورس کی ٹیم نی21رنز سے فتح اپنے نام کرلی۔آج سٹی ٹریفک پولیس و ایلیٹ فورس اور انوسٹی گیشن و ڈولفن فورس کی ٹیموں کے مابین میچز کاانعقاد ہو گا۔محکمہ پولیس کے مختلف ونگز کی 7ٹیموں کے مابین 15ستمبر سے 26ستمبر تک میچز کھیلے جائیںگے۔ٹورنامنٹ میں سی سی پی او الیون، ایلیٹ فورس، اینٹی رائٹ فورس اور انویسٹی گیشن ونگ ،ڈولفن فورس،سٹی ٹریفک پولیس اور آپریشنز ونگ کی ٹیمیں ٹورنا منٹ میں حصہ لے رہی ہیں۔

(جاری ہے)

سی سی پی او بلال صدیق کمیانہ نے کہا ہے کہ لاہور پولیس کے کھلاڑیوں کو سپورٹس سرگرمیوں میں حصہ لینے کے بھر پور مواقع مہیا کئے جا رہے ہیں۔انہوں نے کہا کہ لاہور پولیس میں سپورٹس کلچر کے فروغ سے سافٹ امیج پروموٹ ہو گا۔سی سی پی او لاہور نے کہا کہ کھیلوں کے فروغ سے پولیس جوانوں کا مورال مزید بلند ہو گا۔انہوں نے کہا کہ سپورٹس کلچر سے پولیس ملازمین کو فٹنس برقرار رکھنے میں مدد ملے گی۔ڈی آئی جی ایڈمن نے کہا کہ لاہور پولیس میںکھیلوں سمیت مختلف مثبت سرگرمیوں کے فروغ کیلئے سرگرم ہیں۔ عمران کشور نے کہا کہ سپورٹس انسان کو ٹیم سپرٹ، حوصلہ اور برداشت سکھاتی ہیں۔ انہوں نے مزید کہا کہ لاہور پولیس میں صحت مند سرگرمیوں کا انعقاد مستقبل میں بھی جاری رہے گا۔