کسٹمر کمپلینٹ مینجمنٹ سسٹم نے اگست میں65211 شکایات کا فوری ازالہ کیا ،ڈپٹی ڈائریکٹر کمپلینٹ فیسکو

بدھ 17 ستمبر 2025 12:52

فیصل آباد (اُردو پوائنٹ اخبارتازہ ترین - اے پی پی۔ 17 ستمبر2025ء) ڈپٹی ڈائریکٹر کمپلینٹ فیسکو حافظ شہزادنے بتایا کہ پاور انفارمیشن ٹیکنالوجی کمپنی نے فیسکو کے کال سنٹر 118کی ماہانہ کارکردگی رپورٹ جاری کردی ۔ رپورٹ کے مطابق کسٹمر کمپلینٹ مینجمنٹ سسٹم 118کو اگست میں 66091ہزار شکایات موصول ہوئیں جن میں سے65211 شکایات کا فوری ازالہ کیا گیاجبکہ 880 پر کارروائی جاری ہے۔

انہوں نے بتایا کہ فیسکو فرسٹ سرکل کو15786شکایات، سیکنڈ سرکل کو20843، جھنگ سرکل کو3196، سرگودھا سرکل کو16883 میانوالی سرکل کو4543اور ٹوبہ ٹیک سنگھ سرکل کو4840شکایات موصول ہوئیں جن میں صارفین کے نئے کنکشنز، تاروں کی تبدیلی اوردیگر تکنیکی شکایات شامل ہیں۔ڈپٹی ڈائریکٹر کمپلینٹ نے کہا کہ چیف ایگزیکٹو فیسکو انجینئرمحمد عامر کی ہدایت پر فیسکو ہیڈکوارٹرز میں مرکزی کمپلینٹ سنٹر 24گھنٹے صارفین کی شکایات کے ازالے کیلئے کوشاں ہے جبکہ ہیلپ لائن 118مکمل طور پر فعال ہے جس پر صارفین ہمہ قسم کی شکایات کا اندراج کروا سکتے ہیں نیز صارفین کی سہولت کیلئے ایس ایم ایس سروس 8118بھی کام کر رہی ہے جس پر میسج کر کے صارفین اپنی شکایات کا ازالہ کر وا سکتے ہیں۔

(جاری ہے)

انہوں نے کہا کہ فیسکو افسران و ملازمین مل کر کمپنی کے اچھے امیج کیلئے کام کریں اور کسٹمر کیئر کو اپنی اولین ترجیح بنا لیں کیونکہ ایک مطمئن صارف ہی کمپنی کی بہترین کارکردگی کا عکاس ہوتا ہے۔انہوں نے ہدایت کی کہ صارفین کے مسائل حل کرنے کیلئے متحرک ہو جائیں اور ان کی بجلی سے متعلقہ شکایات کے فوری ازالہ کو ترجیح دیں۔