فیصل آباد پولیس کی کارروائی ،منشیات فروش گرفتار ، لاکھوں روپے مالیت کی ہیروئن برآمد

بدھ 17 ستمبر 2025 14:58

فیصل آباد (اُردو پوائنٹ اخبارتازہ ترین - اے پی پی۔ 17 ستمبر2025ء) فیصل آباد پولیس نے منشیات فروش کو گرفتار کرکے لاکھوں روپے مالیت کی ہیروئن برآمد کر لی۔

(جاری ہے)

پولیس کے مطابق تھانہ بٹالہ کالونی پولیس نے کارروائی کرتے ہوئے منشیات فروش علی حسن کو گرفتار کر کے اس کے قبضے سے لاکھوں روپے مالیت کی 1.040 کلو گرام ہیروئن برآمد کرلی ۔ملزم شہر کے مختلف علاقوں میں منشیات سپلائی کرتا تھا۔تھانہ بٹالہ کالونی پولیس نے ملزم کے خلاف مقدمہ درج کرکے مزید تفتیش شروع کر دی ہے۔