عراق کے مقدس مقامات کی زیارات کے لئے 50 سال سے کم عمر اکیلے مردوں کو ویزہ جاری نہیں کیا جائے گا ، وزارت مذہبی امور

بدھ 17 ستمبر 2025 23:20

اسلام آباد (اُردو پوائنٹ اخبارتازہ ترین - این این آئی۔ 17 ستمبر2025ء)وزارت مذہبی امور نے کہا ہے کہ عراق کے مقدس مقامات کی زیارات کے لئے 50 سال سے کم عمر اکیلے مردوں کو ویزہ جاری نہیں کیا جائے گا۔

(جاری ہے)

بدھ کو ایک بیان میں ترجمان وزارت مذہبی امور نے کہا کہ عراقی حکام نے زائرین کے لیے نئی ہدایات جاری کی ہیں جن کے مطابق عراق میں مقدس مقامات کی زیارات کے لیے عمر کی حد مقرر کی گئی ہے۔انہوںنے کہاکہ 50 سال سے کم عمر اکیلے مردوں کو زیارت ویزہ جاری نہیں کیا جائے گا، 50 سال سے کم عمر مردوں کو خاندان کے ہمراہ درخواست دینے پر زیارت ویزہ جاری کیا جائے گا۔