لیو/مسلم چیریٹی آرگنائزیشن کی جانب قاضی حسین احمد میڈیکل کمپلیکس نوشہرہ کےلیے طبی آلات کا عطیہ

بدھ 17 ستمبر 2025 20:10

پشاور (اُردو پوائنٹ اخبارتازہ ترین - اے پی پی۔ 17 ستمبر2025ء) قاضی حسین احمد میڈیکل کمپلیکس ایم ٹی آئی نوشہرہ کی انتظامیہ کو لیو/مسلم چیریٹی آرگنائزیشن کی جانب سے نو مولود بچوں کےلیے تین عدد انکوبیٹرز، ایک عدد فزیو تھراپی مشین اور ایک عدد سکشن مشین بطور عطیہ فراہم کی گئیں۔لیو/ مسلم چیریٹی آرگنائزیشن کے وفد کی سربراہی میں ہسپتال ڈائریکٹر پروفیسر ڈاکٹر حمزاللہ خان اور میڈیکل ڈائریکٹر پروفیسر ڈاکٹر سردار سہیل آفسر کو ہسپتال کےلیے مذکورہ مشینیں عطیہ کی گئیں۔

(جاری ہے)

ہسپتال ڈائریکٹر اور میڈیکل ڈائریکٹر نے لیو/مسلم چیریٹی آرگنائزیشن کے ایثار کو شاندار الفاظ میں سراہا۔اس موقع پر قاضی حسین احمد میڈیکل کمپلیکس ایم ٹی آئی نوشہرہ کے ایڈمنسٹریشن سٹاف بھی موجود تھا۔یہاں یہ بات قابل ذکر ہے کہ ہسپتال انتظامیہ بالخصوص ہسپتال ڈائریکٹر پروفیسر ڈاکٹر حمزاللہ خان اور میڈیکل ڈائریکٹر پروفیسر ڈاکٹر سردار سہیل افسر کی ذاتی کوشش اور اعتماد کی بدولت لیو/مسلم چیریٹی آرگنائزیشن نے ہسپتال کو نومولود بچوں کےلیے مشینیں عطیہ کیں۔