غزہ میں نسل کشی پر "یونی لیور'"کی خاموشی پر بین اینڈ جیری کےشریک بانی نے استعفی دے دیا

جمعرات 18 ستمبر 2025 08:40

نیویارک (اُردو پوائنٹ اخبارتازہ ترین - اے پی پی۔ 18 ستمبر2025ء) بین الاقوامی تجارتی زنجیر 'بین اینڈ جیری' کے شریک بانی جیری گرین فیلڈ نے استعفی دے دیا ہے۔ العربیہ کے مطابق اپنے استعفی کی وجہ 'یونی لیور' کے غزہ میں جاری انسانیت کش صرت حال پر بے حسی کی آئینہ دار مسلسل خاموشی کو بتایا گیا ہے۔بین الاقوامی سطح پر شہرت یافتہ آئس کریم برانڈ کی تشکیل میں جیری گرین فیلڈ کا نام شامل ہے۔

اب انہوں نے کمپنی کو خیر باد کہہ دیا ہے۔انہوں نے اس امر کا اظہار 'بین اینڈ جیری' کی کمیونٹی سے ایک کھلے خط میں مخاطب ہوتے ہوئے کیا ہے۔ ان کے بقول 'یونی لیور' کے غزہ کے بارے میں مؤقف اور نسل کشی پر خاموشی نے انہیں ایسا کرنے پر مجبور کر دیا ہے۔ان کے اس خط کو ان کے شراکت دار بین کوہن نےسوشل ۔

(جاری ہے)

یڈیا پلیٹ فارم ' ایکس' پر پوسٹ کیا ہے۔خط میں گرین فیلڈ نے موقف اختیار کیا ہے کہ ورمونٹ امریکا میں قائم کمپنی نے ' یونی لیور ' کے ' ایکٹوازم ' کی وجہ سے کمپنی اپنی آزادی کھو چکی ہے۔

یہ بھی بتایا جا رہا ہے کہ یونی لیور اور بین اینڈ جیری کے درمیان 2021 میں اسی وقت جھگڑا شروع ہو گیا تھا جب کہا تھا کہ کمپنی مقبوضہ مغربی کنارے میں آئس کریم کی فروخت بند کر دے۔ بعد ازاں اس کمپنی کی ' پیرنٹ کمپنی' 'یونی لیور' نے اسے خاموش کرانے کی کوشش کی تو کمپنی نے 'یونی لیور' کے خلاف عدالت سے رجوع کر لیا۔انہوں نے غزہ میں جنگ کو نسل کشی کا نام دیا ہے۔گرین فیلڈ کا کہنا ہے وہ اب اپنے ضمیر کے خلاف مزید کام نہیں کر سکتے۔ کیونکہ وہ ایک ایسی کمپنی کے ساتھ مزید کام نہیں کر سکتے جس نے غزہ میں نسل کشی کے بارے میں خاموشی اختیار کر رکھی ہے۔ اس لیے مستعفی ہو رہے ہیں۔