محکمہ زراعت کی کاشتکاروں کو دھنیہ ستمبر سے اکتوبر تک کاشت کر نے کی ہدایت

جمعرات 18 ستمبر 2025 13:04

سیالکوٹ (اُردو پوائنٹ اخبارتازہ ترین - اے پی پی۔ 18 ستمبر2025ء) محکمہ زراعت نے کاشتکاروں کو دھنیہ کی کاشت ستمبر سے اکتوبر تک مکمل کرنے کی ہدایت کی ہے۔سینئر زراعت آفیسر محکمہ زراعت (توسیع )سمبڑیال ذیشان گورائیہ نے آج جمعرات کو کاشتکاروں کے ایک وفد سے گفتگو کرتے ہوئے کہا کہ دھنیہ پورا سال کھائی جانے والی ایک منافع بخش سبزی ہے جسے ہر گھر میں سلاد اور سالن میں کھایا جاتا ہے۔

(جاری ہے)

انہوں نے کہا کہ دھنیہ کی کاشت کیلئے اس کے بیج بذریعہ کیرا کاشت کریں اور 10 سے 12 کلوگرام فی ایکڑ بیج استعمال کریں۔انہوں نے ہدایت کی ہے کہدل پذیر اورقندھاری منظور شدہ قسم ہے ،ان کے بیج لگائیں یہ بیج زیادہ پیدوار اور زیادہ کٹائیاں دیتے ہیں اور ان سے زیادہ منافع حاصل کیا جاسکتا ہے۔انہوں نے کہا کہ کھیت کو پانچ پانچ مرلہ میں تقسیم کریں اور 75 سینٹی میٹر کے فاصلے پر پٹڑیاں بنا لیں، کاشت سے پہلے 21 کلوگرام نائٹروجن ،23 کلو گرام فاسفورس،2 بوری امونیم سلفیٹ اور اڑھائی بوری سنگل سپر فاسفیٹ کھادیں فی ایکڑ استعمال کریں۔

Facebook Twitter Google + Share on Whatsapp

محکمہ زراعت کی کاشتکاروں کو دھنیہ ستمبر سے اکتوبر تک کاشت کر نے کی ہدایت

مزید زراعت کی خبریں