امریکا کانئے میزائل دفاعی نظام پر 175 ملین ڈالر خرچ کرنیکااعلان

جمعرات 18 ستمبر 2025 17:42

واشنگٹن (اُردو پوائنٹ اخبارتازہ ترین - این این آئی۔ 18 ستمبر2025ء)امریکا نئے میزائل دفاعی نظام گولڈن ڈوم پر 175 ملین ڈالر خرچ کرے گا۔غیرملکی میڈیا کے مطابق امریکی وزارتِ دفاع کی جانب سے امریکی صدر ڈونلڈ ٹرپ کو امریکا کے لیے نئے میزائل دفاعی نظام پر پہلی بریفنگ دی گئی۔نئے میزائل دفاعی نظام پر جنرل مائیک گوٹلین نے اہم بریفنگ دی جو اس پروگرام کے روزمرہ معاملات کے بھی انچارج ہیں۔

(جاری ہے)

پینٹاگون ترجمان نے بتایا کہ گزشتہ روز جنرل مائیک نے گولڈن ڈوم برائے امریکا کے قیام کے 60 دن مکمل ہونے کی تصدیق کی اور ساتھ بتایا کہ اس ادارے کو قیام کے ابتدائی فریم ورم تکمیل ہوگئی ہے۔امریکی حکومت کو دی جانے والی پریزنٹیشن میں اس بات کی تصدیق کی گئی کہ گولڈن ڈوم میزائل دفاعی سسٹم مختلف زمینی میزائل دفاعی ریڈارز اور لیزر سسٹمز کے ہمراہ خلائی نظام سے بھی رہنمائی لیتے ہوئے ہدف کو نشانہ بنائے گا۔