سی ای او ایجوکیشن شیخوپورہ پرحملے کی سی سی ٹی وی فوٹیج منظرعام پرآگئی

جمعہ 19 ستمبر 2025 22:01

لاہور (اُردو پوائنٹ اخبارتازہ ترین - آن لائن۔ 19 ستمبر2025ء)سی ای او ایجوکیشن شیخوپورہ رانا نعیم پر حملے کی سی سی ٹی وی فوٹیج منظر عام پر آگئی۔ منظر عام پر آنے والی ویڈیو میں دیکھا جا سکتا ہے کہ ملزمان ہاتھوں میں ڈنڈے لیے دفتر کی طرف بڑھ رہے ہیں۔

(جاری ہے)

ملزمان دفتر کے اندر گھس کر دروازہ بند کر لیتے ہیں اور وہاں موجود افراد کی روک تھام کے باوجود سی ای او ایجوکیشن پر تشدد کرتے ہیں۔ فوٹیج میں یہ بھی واضح ہے کہ ملزمان رانا نعیم کو گھسیٹتے ہوئے دفتر سے باہر لے گئے جس کے نتیجے میں وہ شدید زخمی ہو گئے۔واقعہ کی ویڈیو سامنے آنے پر صوبائی وزیر تعلیم رانا سکندر حیات نے نوٹس لیتے ہوئے حملے کی مذمت کی اور حکام کو معاملے کی مکمل تحقیقات کرنے کی ہدایت جاری کی۔

Facebook Twitter Google + Share on Whatsapp

سی ای او ایجوکیشن شیخوپورہ پرحملے کی سی سی ٹی وی فوٹیج منظرعام پرآگئی

متعلقہ عنوان :

مزید تعلیم کی خبریں