Live Updates

قصور،دولہے میاں کشتی میں بارات سمیت دلہنیا بیاہ کر گھر لے آئے

بوٹ سروس کی فراہمی پر دولہا کے بھائی ،باراتیوں نے ریسکیو ٹیم کا شکریہ ادا کیا ،نیک تمنائوں کا اظہار

پیر 22 ستمبر 2025 16:01

قصور(اُردو پوائنٹ اخبارتازہ ترین - این این آئی۔ 22 ستمبر2025ء) دریائے ستلج میں سیلابی صورتحال کے باعث زمینی سفر ناممکن ہے مگر دولہے میاں کشتی کے ذریعے بارات لے کر دلہنیا بیاہ لائے۔

(جاری ہے)

قصور کے گنجہ کلاں کا رہائشی ماجد ڈوگر نامی شخص اپنی بارات کے ساتھ دلہن کے گاں حجرا شاہ مقیم روانہ ہوئے تو دیکھا سڑکیں سیلابی پانی میں ڈوبی ہوئی ہیں، جب کوئی راستہ نہ ملا تو دولہا اور باراتیوں نے ریسکیو 1122بوٹ کا سہارا لیا۔

یوں کشتی پر سوار ہو کر بارات اپنی منزل پر جا پہنچی اور یہ منظر دیکھنے والوں کو حیران کر گیا۔مشکل حالات کے باوجود دولہے میاں اپنی دلہن کو لے کر منزل پر پہنچ ہی گئے۔بوٹ سروس کی فراہمی پر دولہا کے بھائی اور باراتیوں نے ریسکیو ٹیم کا شکریہ ادا کیا اور نیک تمنائوں کا بھی اظہار کیا۔یہ انوکھی بارات ناصرف لوگوں کی توجہ کا مرکز بن گئی بلکہ سوشل میڈیا پر بھی موضوعِ بحث بنی ہوئی ہے۔